II RAJA-RAJA 25

II RAJA-RAJA 25

25:1 Tole pasiataonhon hinarajaonna i di bulan sipaha sampulu di ari sampulu, ro ma si Nebukadnesar, raja sian Babel manguluhon sandok paranganna laho marporang dompak Jerusalem, marsaro di adopan ni huta i, dibahen huhut angka partanobatoan humaliang.
25:2 Jadi tartungkum ma huta i sahat ro di pasampulusadataonhon hinarajahon ni si Sedekia.
25:3 Alai di ari sia bulan sipaha opat masa ma haleon potir di bagasan huta i, pola ndang adong be sagusagu panganon ni bangso isi ni luat i.
25:4 Dung i dirampok ma huta i, jala saluhut baoa sialo musu maporus bornginna i sian dalan tu bahal na di holangholang ni na dua parik mardonokkon porlak ni rajai. Alai nunga ditungkum halak Kasdim huta i tuk humaliang, gabe mardalan rajai sian dalan tu adaran.
25:5 Alai dieak parangan ni halak Kasdim do rajai, jala dapot nasida ibana di angka adaran sian Jeriko, gabe marserak sandok paranganna sian lambungna.
25:6 Dung i ditangkup nasida ma rajai, jala diboan ibana nangkok tu adopan ni raja sian Babel tu Ribla, asa diputus uhumna tu ibana.
25:7 Ianggo angka anak ni si Sedekia diseati do di adopan ni matana, jala dipitungi do ia mata ni si Sedekia duansa, jala dirante ibana dohot dua rante tombaga laho mamboan ibana tu Babel.
25:8 Tole papituarihon di bulan sipaha lima, i ma pasampulusiataonhon dung Nebukadnesar bangkit raja sian Babel, ro ma Nebusaradan, induk ni angka parangan, parhalado ni raja sian Babel tu Jerusalem.
25:9 Dung i disurbu ma joro ni Jahowa dohot bagas ni rajai ro di sude bagas di Jerusalem, sude bagas na bolon tahe disurbu do dohot api.
25:10 Ia parik humaliang Jerusalem dilohai sandok parangan ni halak Kasdim, angka na rap dohot induk ni parangan i.
25:11 Alai anggo pasipasi ni bangso i, angka na tinggal di bagasan huta, ro di halak angka na bali mandapoti raja sian Babel, ro di pasipasi ni halak situan na torop, luhutna i dibuangkon si Nebusaradan, induk ni angka parangan i do.
25:12 Alai anggo sian halak na so mardihadiha di luat i ditinggalhon sintua ni parangan do deba bahen pangula di porlak anggur halak parumauma.
25:13 Angkup ni angka tiang tombaga, angka na masuk tu joro ni Jahowa ro di angka ojahan dohot tobat tombaga na di bagasan joro ni Jahowa, dipamponggolhon halak Kasdim do, jala tombaga i diboan do tu Babel.
25:14 Tole angka hudon, sonduk, raut, mangkuk ro di sude ulaula tombaga, angka na pinangke marulaon di bagasan joro i, dibuat nasida sude.
25:15 Dibuat induk ni angka parangan i do huhut angka seret panutungan daupa dohot mangkuk pamispisan, angka na sian sere dohot sian perak.
25:16 Tole tiang na dua i ro di tobat na sasada i dohot hajongjonganna, angka na pinauli ni si Salomo di joro ni Jahowa; tung na so dapot timbangon do godang ni tombaga sian saluhut angka parhohasi.
25:17 Sampulu ualu elak do timbo ni tiang na sada, ulu ni tiang di atasna pe tombaga do, jala timbo ni ulu ni tiang i tolu elak do, tole handanghandangna dohot parbue ni dalimo humaliang ulu ni tiang i, tombaga do i sude; laos songon i do di tiang paduahon ro di handanghandangna.
25:18 Dung i dibuat induk ni angka parangan i ma sintua ni malim Seraia dohot si Sepania, malim paidua dohot na tolu halak sijaga pintu.
25:19 Dibuat huhut sian bagasan huta i sahalak siramoti bagasna, na pinabangkit parentahon halak sialo musu; tole lima halak sian halak angka na somal marhalado di adopan ni rajai, angka na jumpang di bagasan huta; tole muse juaratulis ni partogi ni parangan, na somal manurati situan na torop i angka na masuk soldadu, tole muse onompulu halak sian bangso ni luat i, angka na jumpang di bagasan huta.
25:20 I ma angka na binoan ni si Nebusaradan, induk ni angka parangan, jala ditogihon nasida tu adopan ni raja sian Babel tu Ribla.
25:21 Dung i didokkon raja sian Babel ma bunuon nasida di Ribla na di tano Hamat. I ma habubuang ni Juda sian tanona.
25:22 Alai bangso na tinggal i dope di luat Juda, na tininggalhon ni si Nebukadnesar, raja sian Babel, dipabangkit ma di nasida si Gedalia, anak ni si Ahikam, anak ni si Sapan.
25:23 Jadi dung dibege sude induk ni angka parduaan ni parangan ro di angka baoa, naung dipabangkit raja sian Babel si Gedalia, ro be ma nasida manopot si Gedalia tu Mispa, i ma si Ismael, anak ni si Netania dohot si Johanan, anak ni si Karea, dohot si Seraia, anak ni si Tanhumet, halak Netopa i, dohot si Jasanya, anak ni halak Maaka i rap dohot angka baoa dongannasidai.
25:24 Dung i marbulan ma si Gedalia tu nasida dohot tu angka baoa dongannasidai, ninna ma mandok nasida: Unang hamu mabiar maradophon angka naposo ni halak Kasdim; tinggal ma hamu di luat i jala oloi hamu rodi ni raja sian Babel, jadi marsonangsonang ma hamu.
25:25 Alai tole papitubulanhon ro ma si Ismael, anak ni si Netania, anak ni si Elisama sian pinompar ni rajai, jala sampulu halak donganna, gabe ditodos nasida si Gedalia, pola mate rap dohot halak Jahudi dohot halak Kasdim, angka na rap dohot ibana di Mispa.
25:26 Dung i hehe ma sandok bangso i, tole na metmet ro di na magodang rap dohot angka induk ni parangan, maporus ma nasida tu Misir, ai mabiar do nasida maradophon halak Kasdim.
25:27 Alai tole patolupulupitutaonhon dung tarbuang si Joiakin, raja sian Juda, di ari duapulu pitu bulan hurung dipabangkit Epilmerodak, raja sian Babel, i ma taon parjolo hababangkit ni Epilmerodak gabe raja sian Babel, dipahehe rajai ma ulu ni si Joiakin, raja ni halak Juda sian bagasan hurungan.
25:28 Jala basar pangkulingna tu ibana, jala tumimbo dibahen habangsana sian habangsa ni raja angka na rap dohot ibana di Babel.
25:29 Jala disalin rajai do angka pangkeanna pinangkena di hurungan, jala sapanganan ibana tongtong dohot rajai saleleng mangolu ibana.
25:30 Jala ariari dilehon rajai tongtong bohalna na binuhul saleleng mangolu ibana.

ALKITAB BAHASA BATAK
Lirik Lagu Suplemen Buku Ende
Lirik Lagu Buku Ende

I KRONIKA 1

I KRONIKA 1

1:1 Si Adam, si Set, si Enos.
1:2 Si Kenan, si Mahalaleel, si Jared.
1:3 Si Henok, si Metusalah, si Lamek.
1:4 Si Noak, si Sem, si Ham dohot si Japet.
1:5 Angka anak ni si Japet on do: Si Gomer, si Magog, si Madai, si Jawan, si Tubal, si Mesek dohot si Tiras.
1:6 Ia angka anak ni si Gomer on do: Si Askenas, si Ripat dohot si Togarma.
1:7 Ia angka anak ni si Jawan on do: Si Elisa, si Tarsis, si Kitim dohot si Dodanim.
1:8 Ia angka anak ni si Ham on do: Si Kus, si Misraim, si Put dohot si Kanaan.
1:9 Ia angka anak ni si Kus on do: Si Seba, si Hawila, si Sabta, si Raama dohot si Sabteka. Ia angka anak ni si Raama on do: Si Seba dohot si Dedan.
1:10 Alai anggo si Kus manubuhon si Nimrod, na mamungka marsiajar ulubalang di tano on.
1:11 Ia si Misraim manubuhon: Halak Lidia, Anam, Lehabim, Naptuhim.
1:12 Halak Patrusim, Kasluhim, haroroan ni halak Palistim dohot Kaptorim.
1:13 Alai anggo si Kanaan manubuhon: Si Sidon, buhabajuna dohot si Het.
1:14 Si Jebusi, si Amori, si Girgasi.
1:15 Si Hevi, si Arki, si Sini.
1:16 Si Arpaditi, si Semari dohot si Hamati.
1:17 Ia angka anak ni si Sem on do: Si Elam, si Assur, si Arpaksad, si Lud, si Ram, si Us, si Hul, si Geter dohot si Mesek.
1:18 Alai anggo si Arpaksad manubuhon: Si Sela, na manubuhon si Heber.
1:19 Dung i tubu ma dua anak ni si Heber, goar ni na sada: Si Peleg, ala di angka arina sirang tano on, ia goar ni anggina i si Joktan.
1:20 Ia si Joktan manubuhon: Si Almodad, si Salep, si Hasarmawet, si Jera.
1:21 Si Hadoram, si Usal, si Dikla.
1:22 Si Hebal, si Abimael, si Seba.
1:23 Si Opir, si Hevila dohot si Jobab. I ma sude anak ni si Joktan.
1:24 Si Sem, si Arpaksad, si Sela.
1:25 Si Heber, si Peleg, si Reu.
1:26 Si Serug, si Nahor, si Tera.
1:27 Si Abram, i ma si Abraham.
1:28 Ia angka anak ni si Abraham on do: Si Isak dohot si Ismael.
1:29 On do pinomparnasida anak buhabaju ni si Ismael, i ma si Nabaiot, dung i si Kedar, si Abdel, si Mibsam.
1:30 Si Misma, si Duma, si Masa, si Hadad, si Tema.
1:31 Si Jetur, si Napis dohot si Kademah. I ma angka anak ni si Ismael.
1:32 Ia angka anak ni si Ketura, jolma ni si Abraham on do: Si Zimran, si Joksan, si Medan, si Midian, si Isbak dohot si Sua. Ia angka anak ni si Joksan i ma: Si Seba dohot si Dedan.
1:33 Ia angka anak ni si Midian on do: Si Epah, si Eper, si Hanok, si Abida dohot si Elda. I ma sude angka anak ni si Ketura.
1:34 Ditubuhon si Abraham huhut si Isak. Ia angka anak ni si Isak on do: Si Esau dohot si Israel.
1:35 Ia angka anak ni si Esau on do: Si Elipas, si Reguel, si Jehus, si Jalam dohot si Kora.
1:36 Ia angka anak ni si Elipas on do: Si Teman, si Omar, si Sepi, si Gatam, si Kenas, si Timna dohot si Amalek.
1:37 Ia angka anak ni si Reguel on do: Si Nahat, si Jara, si Samma dohot si Missa.
1:38 Ia angka anak ni si Seir on do: Si Lotan, si Sobal, si Sibeon, si Ana, si Dison, si Eser dohot si Disan.
1:39 Ia angka anak ni si Lotan on do: Si Hori dohot si Homam; jala iboto ni si Lotan, i ma si Timna.
1:40 Ia angka anak ni si Sobal on do: Si Alian, si Manahat, si Ebal, si Sepi dohot si Onam. Ia angka anak ni si Sibeon i ma: Si Aia dohot si Ana.
1:41 Ia anak ni si Ana i ma: Si Dison. Ia angka anak ni si Dison i ma: Si Hamran, si Esban, si Itran dohot si Heran.
1:42 Ia angka anak ni si Eser on do: Si Bilhan, si Sapan dohot si Jaakan. Ia angka anak ni si Disan i ma: Si Us dohot si Aran.
1:43 Jala on do goar ni rajaraja, angka na mangarajai di tano Edom, jumolo sian na adong raja mangarajai halak Israel, i ma: Si Bela, anak ni si Beor, jala goar ni hutana i ma Dinhaba.
1:44 Jadi dung mate si Bela, bangkit raja ma singkatna: Si Jobab, anak ni si Jara sian Bosra.
1:45 Jadi dung mate si Jobab, bangkit raja ma singkatna si Husam sian tano ni halak Teman i.
1:46 Jadi dung mate si Husam, bangkit raja singkatna si Hadad, anak ni si Bedad, na papatu halak Midian di ladang ni Moab, jala goar ni hutana i ma Apit.
1:47 Dung mate si Hadad, bangkit raja singkatna si Samla sian Masreka.
1:48 Dung mate si Samla, bangkit raja singkatna si Saul sian Rehobot martopihon sunge.
1:49 Dung mate si Saul, bangkit raja singkatna si Baal-Hanan, anak ni si Akbor.
1:50 Dung mate si Baal-Hanan, bangkit raja singkatna si Hadad; ia goar ni hutana i ma Pahi, jala goar ni jolmana si Mehetabel, boru ni si Materet, boru Mesahab.
1:51 Alai dung mate si Hadad, bangkit ma gabe induk di Edom: Induk Timna, induk Alia, induk Jete.
1:52 Induk Aholibama, induk Ela, induk Pinon.
1:53 Induk Kenas, induk Teman, induk Mibzar.
1:54 Induk Magdiel, induk Iram. I ma angka induk di Edom.

ALKITAB BAHASA BATAK
Lirik Lagu Suplemen Buku Ende
Lirik Lagu Buku Ende

I KRONIKA 2

I KRONIKA 2

2:1 On do angka anak ni si Israel: Si Ruben, si Simeon, si Lepi, si Juda, si Isasar, si Zebulon.
2:2 Si Dan, si Josep, si Benjamin, si Naptali, si Gad dohot si Aser.
2:3 Ia angka anak ni si Juda on do: Si Er, si Onan dohot si Sela; na tolu anak i tubu di ibana sian boru Sua, boru ni halak Kanaan. Alai anggo si Er, buhabaju ni si Juda, na jahat do i di adopan ni Jahowa, ala ni dibunu Jahowa do ibana.
2:4 Alai anggo si Tamar, parumaenna i manubuhon di ibana: Si Peres dohot si Jara; jadi luhut anak ni si Juda lima halak do.
2:5 Ia angka anak ni si Peres i ma: Si Hezron dohot si Hamul.
2:6 Ia angka anak ni si Jara i ma: Si Simri, si Etan, si Heman, si Kalkol dohot si Dara; luhutna i lima halak do.
2:7 Ia anak ni si Karmi i ma: Si Agan, na mangarsahi Israel ala adong binuatna ugasan naung hona harom.
2:8 Ia anak ni si Etan, i ma si Azaria.
2:9 Ia anak angka na tinubuhon ni si Hezron i ma: Si Jerahmeel, si Ram dohot si Kaleb.
2:10 Ia si Ram manubuhon si Abinadab, na manubuhon si Nahason, i ma induk ni halak Juda.
2:11 Si Nahason manubuhon si Salmon, na manubuhon si Boas.
2:12 Si Boas manubuhon si Obed, na manubuhon si Isai.
2:13 Si Isai manubuhon si Eliab, buhabajuna i dohot si Abinadab, anakna paidua, si Simea anakna paitolu.
2:14 Si Netaneel anakna paiopat, si Raddai anakna pailima.
2:15 Si Osem anakna paionom dohot si Daud anakna paipitu.
2:16 Ia ibotonasida i ma: Nai Seruia dohot si Abigail. Ia angka anak ni Nai Seruia i ma: Si Abisai, si Joab dohot si Asahel, na tolu i do.
2:17 Anggo si Abigail manubuhon si Amasa; alai anggo ama ni si Amasa, i ma si Jeter, halak Ismael.
2:18 Ia si Kaleb, anak ni si Hezron manubuhon anak sian jolmana si Azuba dohot sian si Jeriot, jala on do angka anakna si Ieser, si Sobab dohot si Ardon.
2:19 Jadi dung mate si Azuba, dibuat si Kaleb ma si Eparat bahen jolmana, na manubuhon si Hur.
2:20 Ia si Hur manubuhon si Uri, na manubuhon si Besalel.
2:21 Dung i ditopot si Hezron ma boru ni si Mahir, ama ni si Gilead, dibuat ma i bahen jolmana, uju marumur onompulu taon ibana, jala parompuan i manubuhon si Segub.
2:22 Ia si Segub manubuhon si Jair, na manggomgomi duapulu tolu huta di tano Gilead.
2:23 Dilaum ibana huhut sian halak Gesur dohot sian halak Ram angka sosor ni si Jair, tole muse Kenat ro di angka sosorna, onompulu huta. Luhut nasida angka anak ni si Mahir, ama ni si Gilead.
2:24 Dung mate si Hezron di Kaleb-Eprata, ditubuhon si Abia, jolma ni si Hezron ma Ashur, ama ni si Tekoa.
2:25 Ia angka anak ni si Jerahmeel, buhabaju ni si Hezron, i ma si Ram, buhabajuna i, dung i si Buna, si Oren, si Osem dohot si Ahia.
2:26 Adong dope sadanari jolma ni si Jerahmeel, i ma na margoar si Atara, i ma ina ni si Onam.
2:27 Ia angka anak ni si Ram, buhabaju ni si Jerahmeel, i ma: Si Maas, si Jamin dohot si Eker.
2:28 Ia angka anak ni si Onam i ma: Si Sammai dohot si Jada. Ia angka anak ni si Sammai i ma: Si Nadab dohot si Abisur.
2:29 Ia goar ni jolma ni si Abisur i ma: Abigail, na manubuhon di ibana: Si Ahban dohot si Molid.
2:30 Ia angka anak ni si Nadab i ma: Si Seled dohot si Apaim; mate punu do ia si Seled.
2:31 Ia anak ni si Apaim i ma: Si Ishe; ia anak ni si Ishe i ma: Si Sesan, na manubuhon si Ahloi.
2:32 Ia angka anak ni si Juda, anggi ni si Sammai i ma: Si Jeter dohot si Jonatan; alai mate punu anggo si Jeter.
2:33 Ia angka anak ni si Jonatan i ma: Si Pelet dohot si Sasa. I ma pinompar ni si Jerahmeel.
2:34 Alai ndang tubuan anak anggo si Sesan, holan boruboru do. Dung i adong sada halak Misir naposo ni si Sesan na margoar si Jarha.
2:35 Jadi dilehon si Sesan ma boruna tu si Jarha naposona i bahen jolmana, na manubuhon di ibana si Attai.
2:36 Si Attai muse manubuhon si Natan, na manubuhon si Sabad.
2:37 Si Sabad manubuhon si Eplal, na manubuhon si Obed.
2:38 Si Obed manubuhon si Jehu, na manubuhon si Azaria.
2:39 Si Azaria manubuhon si Heles, na manubuhon si Elasa.
2:40 Si Elasa manubuhon si Sismai, na manubuhon si Sallum.
2:41 Si Sallum manubuhon si Jekamia, na manubuhon si Elisama.
2:42 Ia angka anak ni si Kaleb, anggi ni si Jerahmeel i ma: Si Mesa, buhabajuna, i ma ama ni si sip dohot angka anak ni si Maressa, ama ni si Hebron.
2:43 Ia angka anak ni si Hebron i ma: Si Kora, si Tappua, si Rekem dohot si Sema.
2:44 Si Sema manubuhon si Raham, ama ni si Jorkeam; si Rekem manubuhon si Sammai.
2:45 Ia anak ni si Sammai i ma si Maon; jala si Maon do ama ni si Betzur.
2:46 Alai anggo si Epah, jolma ni si Kaleb, manubuhon si Haran, si Mosa dohot si Gazis; si Haran muse manubuhon si Gazis.
2:47 Ia angka anak ni si Jahdai i ma: Si Regem, si Jotam, si Gesan, si Pelet, si Epah dohot si Saap.
2:48 Alai anggo si Maaka jolma ni si Kaleb manubuhon si Seber dohot si Tirhana.
2:49 Ditubuhon nasida huhut si Saap, ama ni si Madmanah dohot si Sepa, i ma ama ni si Makbena, dohot ama ni si Gibea. Ia boru ni si Kaleb, i ma si Aksa.
2:50 On ma angka pinompar ni si Kaleb: Anak ni si Hur, buhabaju ni si Eprata, i ma si Sobal, ama ni si Kiriat Jearim.
2:51 Si Salmon ama ni si Betlehem; si Harep, ama ni si Bet-Gedor.
2:52 Ia angka anak ni si Sobal, ama ni si Kiriat Jearim i ma: Si Haroe, satonga ni halak Menuhoti.
2:53 Ia pinompar ni si Kiriat Jearim, i ma: Halak Itri, Puti, Sumati dohot Misrai; sian nasida do ro halak Zora i dohot Estaol.
2:54 Ia pinompar ni si Salmon i ma: Halak Betlehem, Netopa i, Atarot, Betjoab dohot satonga ni halak Manahat dohot Zora i.
2:55 Ia pinompar ni halak sibotosurat, angka na maringan di Jabes, i ma halak Tirati, Simeati dohot Sukoti. I ma halak Keni, angka ma marharoroan sian si Hamat, ama ni pinompar ni si Rekab.

ALKITAB BAHASA BATAK
Lirik Lagu Suplemen Buku Ende
Lirik Lagu Buku Ende

I KRONIKA 3

I KRONIKA 3

3:1 On ma anak ni si Daud, angka na tinubuhonna di Hebron: Buhabajuna si Amnon sian si Ahinoam, boru Jesreel; paidua si Daniel sian si Abigail, boru Karmel.
3:2 Paitolu si Absalom, tubu ni si Maaka, boru ni si Talmai, raja sian Gesur; paiopat si Adonia, tubu ni Nai Haggit.
3:3 Pailima si Sepatia sian si Abital; paionom si Itream, sian Jolmana, si Egla.
3:4 Na onom i ma tinubuhonna di Hebron; ai mangarajai ibana disi pitu taon onom bulan lelengna; alai tolupulu tolu taon lelengna ibana mangarajai anggo di Jerusalem.
3:5 Angka on do anakna tinubuhonna di Jerusalem: Si Samua, si Sobab, si Natan dohot si Salomo; na opat i sian si Batseba, boru ni si Ammiel.
3:6 Angkup ni si Ibar, si Elisua, si Elipelet.
3:7 Si Noga, si Nepeg, si Japia.
3:8 Si Elisama, si Eliada, si Elipelet; na sia halak i do.
3:9 I ma saluhut anak ni si Daud, so padohot angka anak tubu ni radingna; jala si Tamar do ibotonasida.
3:10 Ia anak ni si Salomo i ma Rehabeam, anak ni muse si Abia, anak ni muse si Asa, anak ni muse si Josapat.
3:11 Anak ni muse si Joram, anak ni muse si Ahasia, anak ni muse si Joas.
3:12 Anak ni muse si Amasia, anak ni muse si Azaria, anak ni muse si Jotam.
3:13 Anak ni muse si Ahas, anak ni muse si Hiskia, anak ni muse si Manasse.
3:14 Anak ni muse ni si Amon, anak ni muse si Josia.
3:15 Ia angka anak ni si Josia i ma: Buhabajuna si Johanan, paidua si Joiakim, paitolu si Sedekia, paiopat si Sallum.
3:16 Ia angka anak ni si Joiakim i ma: Si Jekonya, anak ni muse si Sedekia.
3:17 Ia angka anak ni si Jekonya na tarbuang i i ma: Si Sealtiel anakna i.
3:18 Si Malkiram, si Pedaya, si Senasar, si Jekamia, si Hosama dohot si Nebaia.
3:19 Ia angka anak ni si Pedaya, i ma: Si Serubabel dohot si Simei; ia angka anak ni si Serubabel i ma: Si Mesulam, si Hanania dohot si Selomit ibotonasida i.
3:20 Angkup ni si Hasuba, si Ohel, si Berekia, si Hasaja dohot si Jusab-Hesed, na lima i do.
3:21 Ia anak ni si Hanania i ma: Si Pelatia dohot si Jesaya; tole angka anak ni si Repaia si Arnan, si Obaja dohot si Sekania.
3:22 Ia anak ni si Sekania i ma: Si Semaya. Ia angka anak ni si Semaya i ma: Si Hattus, si Igal, si Baria, si Naearia dohot si Sapat, na onom i do.
3:23 Ia angka anak ni si Naearia i ma: Si Eleonai, si Hiskia dohot si Asrikam, na tolu i do.
3:24 Ia angka anak ni si Eleonai i ma: Si Hodapia, si Eliasib, si Pelaia, si Akkub, si Johanan, si Delaia dohot si Anani, na pitu i do.

ALKITAB BAHASA BATAK
Lirik Lagu Suplemen Buku Ende
Lirik Lagu Buku Ende

I KRONIKA 4

I KRONIKA 4

4:1 Angka anak ni si Juda i ma: Si Peres, si Hezron, si Karmi, si Hur dohot si Sobal.
4:2 Alai anggo si Reia, anak ni si Sobal, manubuhon si Jahat, na manubuhon si Ahumai dohot si Lehad; i ma pinompar ni halak Zora i.
4:3 Jala angka on do marama tu si Etham: Si Jesreel, si Isma, si Idbas, jala goar ni ibotonasida si Hasselponi.
4:4 Jala si Peniel do ama ni si Gedor, jala si Eser ama ni si Husa. I ma angka anak ni si Hur, buhabaju ni si Eprata, ama ni si Betlehem.
4:5 Ia si Ashur, ama ni si Tekoa, dua do jolmana: Si Hela dohot si Naara.
4:6 Jala si Naara manubuhon di ibana: Si Ahusam, si Heper, si Temeni, si Haahasfari; i ma angka anak ni si Naara.
4:7 Alai angka anak ni si Hela on do: Si Seret, si Ishar dohot si Etam.
4:8 Ia si Kos manubuhon si Anub dohot si Hasobeba dohot pinompar ni si Aharlel, anak ni si Harum.
4:9 Alai anggo si Jabes sumangap do i sian angka hahaanggina, jala dibahen inana pe goarna si Jabes, ninna do: Mansai bernit huae laho manubuhon ibana.
4:10 Dung i martangiang ma si Jabes tu Debata ni halak Israel songon on: Tung sura pasupasuonmu ahu tongtong jala mangonjar parbalohanku bahenonmu, jala manumpak tanganmu di ahu, jala padaoonmu hinamago, unang diparsahiti ahu! Jadi diparo Debata ma na pinangidona i.
4:11 Ia si Kaleb, haha ni si Suha, manubuhon si Mehir, i ma ama ni si Eston.
4:12 Ia si Eston manubuhon Betrapa, si Pasea dohot si Tehinna, ama ni si Irnahas; i ma halak sian Reka.
4:13 Ia angka anak ni si Kenas i ma: Si Otniel dohot si Seraia; ia anak ni si Otniel i ma si Hatat.
4:14 Ia si Meonotai manubuhon si Opra; ia si Seraia manubuhon si Joab, ama ni halak angka na maringan di rura ni angka tungkang, ai angka tungkang do nasida.
4:15 Ia angka anak ni si Kaleb, anak ni si Jepune i ma: Si Iru, si Ela dohot si Naam; ia anak ni si Ela i ma si Kenas.
4:16 Ia angka anak ni si Jehaleleel: Si Sip, si Sipa, si Tiria dohot si Asarel.
4:17 Ia angka anak ni si Esra i ma: Si Jeter, si Mered, si Eper dohot si Jalon (ia jolma ni si Mered na sada); manubuhon si Miryam, si Sammai dohot si Isba, ama ni si Estemo.
4:18 Ia jolmana boru Jahudi manubuhon si Jered, ama ni si Gedor dohot si Heber, ama ni si Soko dohot si Jekutiel, ama ni si Sanoa. Jala on do angka anak ni si Bitia, boru ni si Firaun, na binuat ni si Mered bahen jolmana.
4:19 Ia angka anak ni jolmana na margoar si Hodia, iboto ni si Naam, ama ni si Keila i ma: Si Garmi, si Estemo halak Maaka i.
4:20 Ia angka anak ni si Simon i ma: Si Amnon, si Rinna, si Benhanan dohot si Tilon. Ia angka anak ni si Ishi: Si Sohet dohot si Ben Sobet.
4:21 Ia angka anak ni si Sela, anak ni si Juda i ma: Si Er, ama ni si Leka dohot si Laada, ama ni si Maressa, ro di pinompar ni halak sitonun hori sian pinompar ni si Betasbea.
4:22 Angkup ni si Jokim dohot sude baoa sian halak Koseba, Joas dohot Sarap, angka na mangarajai di Moab dohot halak Jasubi-Lehem. Alai angka jamita sian na galia na ma i.
4:23 Nasida do angka sitopa hudon jala maringan di bagasan huta angka na marparik na sinuanan humaliang; alai maringan pe nasida disi di lambung ni rajai mangula ulaonna do.
4:24 Ia angka anak ni si Simeon i ma: Si Nemuel, si Jamin, si Jarib, si Jara dohot si Saul.
4:25 Anak ni si Saul si Sallum, na manubuhon si Mibsam, ama ni si Misma.
4:26 Ia angka anak ni si Misma i ma: Si Hamul na manubuhon si Sakkur, ama ni si Simei.
4:27 Ia angka anak ni si Simei sampulu onom halak do jala onom boruna; alai ndang sadia gabe anggo angka anggina; sandok pinomparnasida tahe ndang songon sopar ni pinompar ni si Juda.
4:28 Alai maringan do nasida di Berseba, Molada, Hasarsual.
4:29 Bilha, Esem, Tolad.
4:30 Betul, Horma, Ziklag.
4:31 Betmarkoba, Hasar-Susa, Betbiri dohot di Saarim. I ma angka hutanasida sahat ro di raja Daud.
4:32 Tole angka sosornasida: Etham, Ain, Rimmon, Tohen dohot Asan, lima do toropna.
4:33 Angkup ni saluhut tano humaliang angka huta i sahat ro di Baal. I ma angka huta inganannasida i ro di aturan ni partuturanna.
4:34 Tole si Mesobab, si Jamle, si Josa, anak ni si Amasia.
4:35 Si Joel, si Jehu, anak ni si Josibia, na manubuhon si Seraia, ama ni si Asiel.
4:36 Tole si Eleonai, si Jaakoba, si Jesohaia, si Asaya, si Adiel, si Jesimiel dohot si Benaia.
4:37 Tole si Sisa, anak ni si Sipi, anak ni si Allon, anak ni si Jedaia, anak ni si Simri, anak ni si Semaya.
4:38 Sude nasida angka naung ginoari raja do i di tongatonga ni bangsona, jala sopar situtu do pinompar ni ompunasida i.
4:39 Jadi marserak ma nasida pola sahat ro di Gedor, sahat muse tu habinsaran ni rura i laho mangalului jampalan di birubirunasida.
4:40 Jadi jumpang nasida ma jampalan na lomak jala na denggan, jala mansai lambas tano i humaliang, tole sonangna dohot mardemak; ai pinompar ni si Ham do maringan disi di na robi.
4:41 Ro muse manoluk angka na tarsurat goarnasida uju di tingki ni si Hiskia, raja sian Juda, diparumpak ma undungundung dohot bagas ni halak angka na nidapotna disi, jala disiaphon nasida, laos maringan disi manoluk nasida rasirasa sadarion; ai singkop do disi panjampalan di birubirunasida.
4:42 Bungkas do huhut sian nasida, sian pinompar ni si Simeon i lima ratus halak laho tu dolok Seir, jala si Pelatia, si Naearia, si Repaia dohot si Usiel, angka anak ni si Ishi do partoginasida.
4:43 Jala dibunu nasida do pasipasi ni halak Amalek na malua i, laos disoluk inganannasida i rasirasa sadarion.

ALKITAB BAHASA BATAK
Lirik Lagu Suplemen Buku Ende
Lirik Lagu Buku Ende

I KRONIKA 5

I KRONIKA 5

5:1 Ia angka anak ni si Ruben, buhabaju ni si Israel; ai ibana do tutu buhabajuna, alai ala na niramunanna i podoman ni amana i, gabe bali sahalana sihahaan tu angka anak ni si Josep, anak ni Israel; alai tahe ndang tarjujur tu ibana sahala sihahaan.
5:2 Ai si Juda nian na sumangap sian angka hahaanggina, gabe sahat tu ibana jujungan partogion, alai anggo sahala sihahaan tu si Josep do.
5:3 Ia angka anak ni si Ruben, buhabaju ni Israel i ma: Si Hanok, si Pallu, si Hesron dohot si Karmi.
5:4 Ia angka anak ni si Joel i ma: Si Semaya, na manubuhon si Gog, anak ni muse si Simei.
5:5 Anak ni si Simei do si Mika, anak ni muse si Reia, anak ni muse si Baal.
5:6 Anak ni muse si Beera, na binoan ni si Tiglat Pelesar, raja sian Assur tu habuangan; ibana do sada induk di halak Ruben.
5:7 Alai anggo hahaanggina marompuompu mangihuthon aturan ni sundutsundutnasida marihutan do tu si Jeiel dohot si Sakaria.
5:8 Tole muse si Bela, anak ni si Asas, anak ni si Sema, anak ni si Joel, maringan do ibana di Aroer sahat ro di Nebo dohot Baal-Meon.
5:9 Dung i maringan ibana tungkan habinsaran, sahat tu partalpahan ni halongonan na mardonokkon Euprat, ai mansai sinur do dorbianasida di tano Gilead.
5:10 Jala uju di tingki ni si Saul marporang do nasida dompak halak Hagar i, gabe marragean nasida dibahen, laos disoluk do undungundungnasida di sandok partalpahanna tungkan habinsaran sian Gilead.
5:11 Maringan huhut patondong dohot nasida halak Gad, di tano Basan sahat ro di Salka.
5:12 Si Joel do jujunganna parjolo, jala si Sapam paidua tole muse si Janai dohot si Sapat di Basan.
5:13 Jala hahaangginasida mangihuthon pinompar ni ompuna be i ma: Si Mikhael, si Mesulam, si Seba, si Jorai, si Jakan, si Sia dohot si Heber, na pitu i do.
5:14 On do angka anak ni si Abihail, anak ni si Huri, anak ni si Jaroa, anak ni si Gilead, anak ni si Mikhael, anak ni si Jesisai, anak ni si Jahdo, anak ni si Bus.
5:15 Tole muse si Ahi anak ni si Abdiel, anak ni si Guni, i ma partogi ni pinompar ni ompuna.
5:16 Jala maringan nasida di Gilead di Basan dohot di bagasan angka sosorna dohot di saluhut luat humaliang Saron sahat ro di partalpahanna.
5:17 Luhutna i tarbilang do uju di tingki ni si Jotam, raja sian Juda dohot uju di tingki ni si Jerobeam, raja sian Israel.
5:18 Ia angka pinompar ni si Ruben, si Gad dohot satonga marga Manasse, nasa baoa sialo musu, angka na manandang hujur dohot podang, jala angka sisintak sior dohot angka na somal marmusu, opatpulu opat ribu pitu ratus onompulu halak toropna, angka na borhat tu parporangan.
5:19 Jadi saut ma nasida marporang dompak halak Hagar i, Jetur, Napis dohot Nodab.
5:20 Jadi dapotan pangurupion ma nasida, gabe sahat ma halak Hagar i tu tangannasida ro di saluhut halak na hinaranasida; ai joujou do nasida tu Debata di tongtangan jala dioloi Ibana do pangidoannasida, ala marhaposan tu Ibana do nasida.
5:21 Jadi tarboan ma dohot dorbianasida, limapulu ribu unto jala dua ratus limapulu ribu birubiru, jala dua ribu halode angkup ni saratus ribu jolma na mangolu.
5:22 Ai mansai torop jolma marragean dibunu, ala sian Debata parporangan i; laos disoluk nasida inganannasida i sahat ro di tingki habubuangnasida.
5:23 Ia pinompar ni satonga marga Manasse, maringan do di tano olat ni Basan sahat ro di Baal Hermon dohot Senir ro di dolok Hermon, ai torop do nasida.
5:24 Jala angka on do jujungan ni pinomparna marompuompu: Si Eper, si Isai, si Eliel, si Asriel, si Jeremia, si Hodapia, si Jahdiel, luhut do halak ulubalang angka na tarbarita, jala jujungan di pinompar ni ompunasida i.
5:25 Alai dung mardosa nasida dompak Debata ni ompunasida i jala marmainan nasida mangihuthon angka debata ni angka bangso isi ni tano i, angka na niago ni Debata nian maradophon nasida.
5:26 Jadi disunggul Debata ni halak Israel ma tondi ni si Pul, raja sian Assur dohot tondi ni si Tiglat Pelesar, raja sian Assur, asa ibana mambuangkon halak Ruben, Gad dohot satonga marga Manasse, jala diboan nasida tu Hala, Habor dohot Hara dohot tu batang aek Gozan tahe rasirasa sadarion.
5:27 Ia angka anak ni si Lepi on do: Si Gerson, si Kohat dohot si Merari.
5:28 Ia angka anak ni si Kohat: Si Amram, si Ishar, si Hebron dohot si Usiel.
5:29 Ia angka anak ni si Amram: Si Aron, si Musa dohot si Miryam. Ia angka anak ni si Aron: Si Nadab dohot si Abihu, si Eleasar dohot si Itamar.
5:30 Si Eleasar manubuhon si Pinehas, na manubuhon si Abisua.
5:31 Si Abisua manubuhon si Bukki, na manubuhon si Usi.
5:32 Si Usi manubuhon si Seraia, na manubuhon si Merayot.
5:33 Si Merayot manubuhon si Amaria, na manubuhon si Ahitub.
5:34 Si Ahitub manubuhon si Sadok, na manubuhon si Ahimas.
5:35 Si Ahimas manubuhon si Azaria, na manubuhon si Johanan.
5:36 Si Johanan manubuhon si Azaria, ibana do na mangaradoti hamalimon di bagasan joro, na pinajongjong ni si Salomo di Jerusalem.
5:37 Si Azaria manubuhon si Amaria, na manubuhon si Ahitub.
5:38 Si Ahitub manubuhon si Sadok, na manubuhon si Sallum.
5:39 Si Sallum manubuhon si Hilkia, na manubuhon si Azaria.
5:40 Si Azaria manubuhon si Seraia, na manubuhon si Josadak.
5:41 Alai anggo si Josadak tarboan do tu habuangan uju na binuangkon ni Jahowa halak Juda dohot Jerusalem marhite sian si Nebukadnesar.

ALKITAB BAHASA BATAK
Lirik Lagu Suplemen Buku Ende
Lirik Lagu Buku Ende

I KRONIKA 6

I KRONIKA 6

6:1 Asa angka on do anak ni si Lepi: Si Gerson, si Kohat dohot si Merari.
6:2 On do goargoar ni angka anak ni si Gerson: Si Libni dohot si Simei.
6:3 Ia angka anak ni si Kohat on do: Si Amram, si Ishar, si Hebron dohot si Usiel.
6:4 Ia angka anak ni si Merari: Si Mahli dohot si Musi. I ma angka sundut ni si Lepi marompuompu.
6:5 Anak ni si Gerson i ma si Libni, anak ni muse si Jahat, anak ni muse si Zima.
6:6 Anak ni muse si Joa, anak ni muse si Ido, anak ni muse si Jara, anak ni muse si Jerahia.
6:7 Ia anak ni si Kohat: Si Abinadab, anak ni muse si Kora, anak ni muse si Asir.
6:8 Anak ni muse si Elkana, anak ni muse si Abiasap, anak ni muse si Asir.
6:9 Anak ni muse si Kohat, anak ni muse si Uriel, anak ni muse si Usia, anak ni muse si Saul.
6:10 Ia angka anak ni si Elkana: Si Amasai dohot si Ahimot.
6:11 Anak ni muse si Elkana, anak ni muse si Elkana sian Sup, anak ni muse si Nahat.
6:12 Anak ni muse si Eliab, anak ni muse si Jeroham, anak ni muse si Elkana.
6:13 Ia angka anak ni si Samuel: Si Azaria buhabajuna dohot si Abia.
6:14 Ia anak ni si Merari: Si Mahli, anak ni muse si Libni, anak ni muse si Simei, anak ni muse, si Usa.
6:15 Anak ni muse, si Simea, anak ni muse si Hagia, anak ni muse si Asaya.
6:16 I ma angka na pinabangkit ni si Daud mangaradoti parendeon di joro ni Jahowa, olat ni dung mangulon poti parpadanan disi.
6:17 Jadi marhalado ma nasida di adopan ni undungundung parluhutan mangaradoti parendeon sahat ro di na pinauli ni si Salomo joro ni Jahowa di Jerusalem, sai marhalado nasida marningot gansi ni tohonanna be.
6:18 Jala on do angka nasida na marhalado rap dohot anaknasida i: Sian anak ni si Kohat do si Heman na manguluhon parende, i ma anak ni si Joel, i ma anak ni si Samuel.
6:19 I ma anak ni si Elkana, i ma anak ni Jeroham, i ma anak ni si Eliel, i ma anak ni si Toah.
6:20 I ma anak ni si Asir, i ma anak ni si Elkana, i ma anak ni si Mahat, i ma anak ni si Amasai.
6:21 I ma anak ni si Elkana, i ma anak ni si Joel, i ma anak ni si Azaria, i ma anak ni si Sepania.
6:22 I ma anak ni si Kohat, i ma anak ni si Asir, i ma anak ni si Abiasap, i ma anak ni si Kora.
6:23 I ma anak ni si Ishar, i ma anak ni si Kohat, i ma anak ni si Lepi, i ma anak ni si Israel.
6:24 Ia si Asap anggina i, jongjong di siamunna. Ia si Asap anak ni si Berekia, i ma anak ni si Simea.
6:25 I ma anak ni si Mikhael, i ma anak ni si Baeseya, i ma anak ni si Malkia.
6:26 I ma anak ni si Etni, i ma anak ni si Jara, i ma anak ni si Adaya.
6:27 I ma anak ni si Etan, i ma anak ni si Zima, i ma anak ni si Simei.
6:28 I ma anak ni si Jahat, i ma anak ni si Gerson, i ma anak ni si Lepi.
6:29 Ia angka anak ni si Merari angginasida i, na jongjong dingkan hambirang, i ma: Si Etan, anak ni si Kisi, i ma anak ni si Abdi, i ma anak ni si Malluk.
6:30 I ma anak ni si Hasabya, i ma anak ni si Amasia, i ma anak ni si Hilkia.
6:31 I ma anak ni si Amzi, i ma anak ni si Bani, i ma anak ni si Semer.
6:32 I ma anak ni si Mahli, i ma anak ni si Musi, i ma anak ni si Merari, i ma anak ni si Lepi.
6:33 Alai anggo tu angka angginasida, halak Lepi, nunga pinasahat mangaradoti sude ulaon di joro ni Debata.
6:34 Alai anggo si Aron dohot angka anakna i manutung daupa di atas langgatan pamelean ni pelean situtungon dohot di atas langgatan panutungan ni daupa, nasida mangaradoti nasa ulaon di bagasan bilut na songkal sahali laho mambahen pardengganan tu Israel, hombar tu sandok na tinonahon ni si Musa, naposo ni Debata.
6:35 Angka on do pinompar ni si Aron. Si Eleasar apala tubuna, anak ni muse si Pinehas, anak ni muse si Abisua.
6:36 Anak ni muse si Bukki, anak ni muse si Usi, anak ni muse si Seraia.
6:37 Anak ni muse si Merayot, anak ni muse si Amaria, anak ni muse si Ahitub.
6:38 Anak ni muse si Sadok, anak ni muse si Ahimas.
6:39 Jala on do inganannasida ro di golatna dohot partalpahanna. Ia tu pinompar ni si Aron, tubu ni si Kohat (ai di nasida do bagian parjolo).
6:40 Dilehon nasida do Hebron di tano Juda ro di golatna humaliang.
6:41 Alai anggo ladang ni huta i ro di angka sosorna dilehon nasida do tu si Kaleb, anak ni si Jepune.
6:42 Dilehon nasida huhut tu anak ni si Aron angka huta haporusan: Hebron dohot Libna ro di golatna; tole Jatir dohot Estemo ro di golatna.
6:43 Tole Holon ro di golatna dohot Debir ro di golatna.
6:44 Tole Asan ro di golatna dohot Betsemes ro di golatna.
6:45 Alai sian marga Benjamin: Geba ro di golatna dohot Almon ro di golatna dohot Anatot ro di golatna. Jadi saluhut hutanasida sampulu tolu huta do mangihuthon sundutnasida.
6:46 Alai di anak ni si Kohat, angka na tinggal i sian sundut ni margai dohot sian satonga marga Manasse sampulu huta do dilehon marhite sian rujiruji.
6:47 Ia di anak ni si Gerson marsundutsundut maruli bagian sian marga Isasar dohot sian marga Aser dohot sian marga Naptali dohot sian marga Manasse di Basan, sampulu tolu huta do.
6:48 Ia di pinompar ni si Merari marsundutsundut dilehon do marhite sian rujiruji sian marga Ruben dohot sian marga Gad dohot sian marga Zebulon, sampulu dua huta.
6:49 Jadi dilehon halak Israel ma tu halak Lepi angka huta i ro di golatna.
6:50 Dilehon nasida huhut marhite sian rujiruji sian marga Juda dohot sian marga Simeon dohot sian marga Benjamin angka huta on, pola dipaboa goargoarna.
6:51 Alai anggo pinompar ni si Kohat na asing maruli angka huta bahen bagiannasida sian marga Epraim.
6:52 Ai dilehon donganna tu nasida angka huta haporusan: Sikem ro di golatna di dolok Epraim dohot Gezer ro di golatna.
6:53 Tole Jokneam ro di golatna dohot Bethoron ro di golatna.
6:54 Tole Aialon ro di golatna dohot Gatrimon ro di golatna.
6:55 Angkup ni sian satonga marga Manasse: Huta Aner ro di golatna dohot Ibleam ro di golatna. I ma huta angka na nilehonna tu pinompar ni si Kohat, angka na tinggal i.
6:56 Ia tu pinompar ni si Gerson dilehon do bagian sian pinompar ni satonga marga Manasse: Golan di Basan ro di golatna dohot Astarot ro di golatna.
6:57 Ia sian marga Isasar: Kision ro di golatna, Daberat ro di golatna.
6:58 Ramat ro di golatna dohot Hilon ro di golatna.
6:59 Ia sian marga Aser: Miseal ro di golatna, Abdon ro di golatna.
6:60 Helkat ro di golatna dohot Rehob ro di golatna.
6:61 Ia sian marga Naptali: Kedes di Galilea ro di golatna, Hamon ro di golatna dohot Kiriataim ro di golatna.
6:62 Ia tu pinompar ni si Merari, angka na tinggal i, dilehon do bagian sian marga Zebulon: Rimona ro di golatna dohot Tabor ro di golatna.
6:63 Jala di bariba ni Jordan tondong ni Jeriko, tungkan habinsaran martopihon Jordan, dilehon sian marga Ruben: Bezer na di halongonan ro di golatna, Jahaz ro di golatna.
6:64 Kadermat ro di golatna dohot Mepaat ro di golatna.
6:65 Jala sian marga Gad: Ramot di Gilead ro di golatna, Mahanaim ro di golatna.
6:66 Hesbon ro di golatna dohot Jaser ro di golatna.

ALKITAB BAHASA BATAK
Lirik Lagu Suplemen Buku Ende
Lirik Lagu Buku Ende

I KRONIKA 7

I KRONIKA 7

7:1 Ia angka anak ni si Isasar on do: Si Tola, si Pua, si Jashub dohot si Simron, na opat i do.
7:2 Ia angka anak ni si Tola on do: Si Usi, si Repaia, si Jeriel, si Jahmai, si Ibsam dohot si Samuel; luhutna i angka partogi do di pinompar ni amanasida, sian si Tola tubu angka ulubalang manjujur sundutsundutna, bilangannasida uju di tingki ni si Daud duapulu dua ribu onom ratus halak toropna.
7:3 Ia angka anak ni si Usi: Si Israhia; ia angka anak ni si Israhia: Si Mikhael, si Obaja, si Joel dohot si Ishia; luhut na lima i angka induk do.
7:4 Jala dongannasida mangihuthon partubunasida, di pinompar ni ompuna angka parduaan ni parangan, tolupulu onom ribu halak toropna; ia torop do jolmanasida dohot ianakhonna.
7:5 Ia angka dongannasida mangihuthon sandok pinompar ni si Isasar, angka ulubalang na marhuaso do, ualupulu pitu ribu halak molo niransap sudena.
7:6 Ia angka anak ni si Benjamin: Si Bela, si Beker dohot Jediael, na tolu i do.
7:7 Ia angka anak ni si Bela: Si Esbon, si Usi, si Usiel, si Jerimot dohot si Iri; na lima i, angka induk di pinompar ni amana, angka ulubalang na marhuaso, jala taretong sian nasida duapulu dua ribu tolupulu opat halak.
7:8 Ia angka anak ni si Beker: Si Semira, si Joas, si Elieser, si Eleonai, si Omri, si Jerimot, si Abia, si Anatot dohot si Alemet, luhutna i angka anak ni si Beker.
7:9 Jala aturannasida mangihuthon partubuna, angka induk di pinompar ni amana, angka ulubalang na marhuaso, duapulu ribu dua ratus halak.
7:10 Ia anak ni si Jediael: Si Bilhan do; ia angka anak ni si Bilhan: Si Jeus, si Benjamin, si Ehud, si Kenaana, si Setan, si Tarsis dohot si Ahisahar.
7:11 Luhutna i angka anak ni si Jediael, mangihuthon induk pinompar ni amana, angka ulubalang na marhuaso, sampulu pitu ribu dua ratus halak toropna, angka na tarbahen borhat rap dohot parangan tu parporangan.
7:12 Alai si Suppim dohot si Hupim, i ma anak ni si Rehobot Ir, jala si Husim anak ni si Aher.
7:13 Ia angka anak ni si Naptali: Si Jeser, si Guni, si Ieser dohot si Shillem, i ma anak ni si Bilha.
7:14 Ia angka anak ni si Manasse: Si Asriel na tinubuhon ni jolmana boru Ram; ditubuhon muse si Mahir, ama ni si Gilead.
7:15 Dung i dibuat si Mahir ma iboto ni si Hupim dohot si Suppim bahen jolmana na margoar si Maaka; ia goar ni anakna paidua: Si Jelapehat, holan boruboru do tubuna.
7:16 Dung i ditubuhon si Maaka, jolma ni si Mahir ma sada anak, dibahen ma goarna si Peres jala goar ni anggina si Seres jala anakna i muse: Si Ulam dohot si Rekem.
7:17 Ia anak ni si Ulam i ma si Bedan. I ma pinompar ni si Gilead, anak ni si Mahir, anak ni si Manasse.
7:18 Ia ibotona si Molekhet manubuhon si Isod, si Abieser dohot si Mala.
7:19 Ia angka anak ni si Semida: Si Ahian, si Sekem, si Liki dohot si Aniam.
7:20 Ia angka anak ni si Epraim: Si Sutela, anak ni muse si Bered, anak ni muse, si Tahan, anak ni muse si Eleada, anak ni muse si Tahan.
7:21 Anak ni muse si Sabad, anak ni muse si Sutela, si Eser dohot si Elead. Hape ro halak Gat mambunu i halak na tubu di tano i, ala tuat nasida laho mangalaum pinahannasida i.
7:22 Dibahen i nania leleng do marsak si Epraim, amanasida i, gabe ro angka hahaanggina mangapuli ibana.
7:23 Dung i ditopot ma jolmana, gabe marhangoluan nasida, jala manubuhon sada anak, dibahen ma goarna si Beria, ala masa hinamago di bagasan jabuna.
7:24 Alai anggo boruna i ma si Jara, na pauli huta Bethoron jae dohot julu ro di Usen-Jara.
7:25 Si Repaim pe anakna do i angkup ni si Resep, anak ni muse si Tela, anak ni muse si Tahan.
7:26 Anak ni muse si Ladan, anak ni muse si Amihud, anak ni muse si Elisama.
7:27 Anak ni muse si Nun, anak ni muse si Josua.
7:28 Jala partaliannasida dohot inganannasida, i ma Betel ro di angka pagaran na masuk tusi, jala tungkan habinsaran Naaran, jala tungkan hasundutan Gezer ro di angka pagaranna dohot Sekem ro di angka pagaranna, sahat ro di Gasa dohot pagaranna.
7:29 Jala di lambung ni pinompar ni si Manasse: Betsean ro di angka pagaranna dohot Taanak ro di pagaranna dohot Megiddo ro di pagaranna dohot Dor ro di pagaranna. Maringan do di bagasan angka huta i pinompar ni si Josep, anak ni si Israel.
7:30 Ia angka anak ni si Aser: Si Innah, si Isha, si Ishi, si Beria dohot si Jara, ibotonasida i.
7:31 Ia angka anak ni si Beeria: Si Heber dohot si Malkiel, i ma ama ni si Birsapet.
7:32 Ia si Heber manubuhon Japlet, Somer, Hotam dohot Sua, ibotonasida i.
7:33 Ia angka anak ni si Japlet: Si Pasak, si Bimhal dohot si Aspat; i ma angka anak ni si Japlet.
7:34 Ia angka anak ni si Somer: Si Ahi, si Roga, si Jehuba dohot si Ram.
7:35 Ia angka anak ni si Helem, anggina i: Si Sofah, si Innah, si Seles dohot si Amal.
7:36 Ia angka anak ni si Sofah: Si Sua, si Harneper, si Sual, si Beeri, si Imra.
7:37 Si Bezer, si Hot, si Sama, si Silsa, si Itran dohot si Bera.
7:38 Ia angka anak ni si Jeter: Si Jepune, si Pispa dohot si Ara.
7:39 Ia angka anak ni si Ula: Si Ara, si Hammiel dohot si Risia.
7:40 Luhutna i do pinompar ni si Aser, angka induk ni pinompar ni ompuna, angka ulubalang na marhuaso jala na pinillit, jala ihutan ni angka induk, jala taretong do sian nasida masuk parangan, duapulu onom ribu halak toropna.

ALKITAB BAHASA BATAK
Lirik Lagu Suplemen Buku Ende
Lirik Lagu Buku Ende

I KRONIKA 8

I KRONIKA 8

8:1 Ia si Benjamin manubuhon si Bela, buhabajuna i, si Asbel, paidua, si Ara paitolu.
8:2 Si Noha paiopat, dohot si Rapa pailima.
8:3 Ia angka anak ni si Bela: Si Adar, si Gera, si Abihud.
8:4 Si Abisua, si Naaman, si Ahoa.
8:5 Si Gera, si Sepupan dohot si Huram.
8:6 On do angka anak ni si Ehud, angka induk marompuompu, angka isi ni Geba, jala tarbuang nasida tu Manahat.
8:7 Naaman, Ahia dohot Gera; ibana ma mambuangkon nasida, jala ditubuhon muse: Si Usa dohot si Ahihud.
8:8 Si Saarim pe tubuan anak do di ladang ni Moab, dung dipalaho si Husim dohot si Baara angka jolmana i.
8:9 Tubuan anak ibana sian si Hodes jolmana i: Si Jobab, si Zibia, si Mesa, si Malkam.
8:10 Si Jeus, si Saja dohot si Mirma. I ma angka anakna, angka induk marompuompu.
8:11 Tubuan anak ibana dohot sian si Husim: Si Ahitub dohot si Epaal.
8:12 Ia angka anak ni si Epaal: Si Heber, si Misham dohot si Semer. Ibana umpungka huta Ono dohot Lod, ro di pagaranna.
8:13 Anggo si Beria dohot si Sema, nasida do induk marompuompu, di angka isi ni Aialon nasida huhut pabalihon angka isi ni Gat.
8:14 Angkup ni: Si Ahio, si Sasak, si Jeremot.
8:15 Si Sebadia, si Arad, si Eder.
8:16 Si Mikhael, si Ispa dohot si Joha, i ma angka anak ni si Beria.
8:17 Tole muse si Sebadia, si Mesulam, si Hiski, si Heber.
8:18 Si Ismari, si Islia, si Jobab, i ma angka anak ni si Epaal.
8:19 Tole muse si Jakim, si Sikri, si Sabdi.
8:20 Si Elienai, si Jilletai, si Eliel.
8:21 Si Adaya, si Beraia dohot si Simrat, i ma angka anak ni si Simei.
8:22 Tole muse si Ispan, si Heber, si Eliel.
8:23 Si Abdon, si Sikri, si Hanan.
8:24 Si Hanania, si Elam, si Antotia.
8:25 Si Jepdeya dohot si Peniel i ma angka anak ni si Sasak.
8:26 Tole muse si Samserai, si Seharia, si Atalia.
8:27 Si Jaeresia, si Elia dohot si Sikri, i ma angka anak ni si Jeroham.
8:28 I ma angka induk marompuompu mangihuthon partubuna be; induk angka na maringan di Jerusalem.
8:29 Alai maringan di Gibeon do ama ni si Gibeon, jala goar ni jolmana si Maaka.
8:30 Ia anak buhabajuna si Abdon do, dung i si Sur, si Kis, si Baal, si Nadab.
8:31 Si Gedor, si Ahio dohot si Seker.
8:32 Ia si Mikhlot manubuhon si Simea; nasida pe maringan do di Jerusalem rap dohot angka hahaanggina patondong be.
8:33 Ia si Ner manubuhon si Kis, na manubuhon si Saul; si Saul manubuhon: Si Jonatan, Malkisua, si Abinadab dohot si Esbal.
8:34 Ia anak ni si Jonatan: Si Meribaal; si Meribaal manubuhon si Mika.
8:35 Ia angka anak ni si Mika: Si Piton, si Melek, si Terea dohot si Ahas.
8:36 Ia si Ahas manubuhon si Jehoada, na manubuhon si Alemet, si Asmapet dohot si Simri; si Simri manubuhon si Mosa.
8:37 Si Mosa manubuhon si Binea, anak ni muse si Rapa, anak ni muse si Eleasa, anak ni muse si Asel.
8:38 Ia di si Asel onom do anakna, angka on do goarnasida: Si Asrikam, si Boheru, si Ismael, si Searia, si Obaja dohot si Hanan; luhutna i angka anak ni si Asel do.
8:39 Ia angka anak ni si Esek, anggina i: Si Ulam, buhabajuna i, si Jeus paidua si Elipelet paitolu.
8:40 Ia angka anak ni si Ulam angka ulubalang do, jala pande manior, jala torop anakna dohot pahompuna, saratus limapulu halak toropna. I ma pinompar ni si Benjamin luhutna.

ALKITAB BAHASA BATAK
Lirik Lagu Suplemen Buku Ende
Lirik Lagu Buku Ende

I KRONIKA 9

I KRONIKA 9

9:1 Jadi sandok Israel tarsurat tu bagasan aturan sundutsundut, jala ida ma, nunga tarsurat nasida di bagasan buku ni angka raja sian Israel: Alai anggo halak Juda tarbuang do tu Babel ala pangoseoseonna.
9:2 Ia isi ni tano i parjolo, angka na maringan di partalianna be dohot di bagasan hutana be, i ma halak Israel, angka malim, halak Lepi dohot angka parhalado di joro (Netinim).
9:3 Maringan di Jerusalem do deba sian halak Juda, tole sian halak Benjamin, sian halak Epraim dohot Manasse.
9:4 Si Utai, i ma anak ni si Amihud, i ma anak ni si Omri, i ma anak ni si Imri, i ma anak ni si Bani, sian pinompar ni si Peres anak ni si Juda.
9:5 Ia sian halak Siela: Si Asaya, buhabajuna ro di angka anakna.
9:6 Ia sian anak ni si Jara: Si Jeuel dohot angka hahaanggina, onom ratus siapulu halak toropna.
9:7 Ia sian pinompar ni Benjamin: Si Sallu, anak ni si Mesulam, i ma anak ni si Hodopia, i ma anak ni si Hassenuna.
9:8 Tole si Ibnia, anak ni si Jeroham dohot si Ela, anak ni si Usi, i ma anak ni si Mikhri, dohot si Mesulam, anak ni si Sepatia, i ma anak ni si Reguel, i ma anak ni si Ibnia.
9:9 Ro di angka hahaanggina marsundutsundut, sia ratus limapulu onom halak toropna. Luhutna i halak partogi marompuompu, di pinompar ni ompunasida.
9:10 Alai anggo sian angka malim: Si Jedaia, si Johaiarib, si Jakin.
9:11 Tole si Azaria, anak ni si Hilkia, i ma anak ni si Mesulam, i ma anak ni si Sadok, i ma anak ni si Merayot, i ma anak ni si Ahitub, sada induk di joro ni Debata.
9:12 Tole muse si Adaya, anak ni si Jeroham, i ma anak ni si Pashur, i ma anak ni si Malkia; tole si Maasai, anak ni si Adiel, i ma anak ni si Jahsera, i ma anak ni si Mesulam, i ma anak ni si Mesilemit, i ma anak ni si Immer.
9:13 Tole angka hahaanggina, angka partogi di pinompar ni ompuna, saribu pitu ratus onompulu halak toropna, angka halak na pande mangaradoti ulaon di bagasan joro ni Debata.
9:14 Alai anggo sian halak Lepi, sian pinompar ni si Merari: Si Semaya, anak ni si Hasup, i ma anak ni si Asrikam, i ma anak ni si Hasabya.
9:15 Tole si Bakbakkar, si Heres, si Galal, si Matania, anak ni si Mika, i ma anak ni si Sikri, i ma anak ni si Asap.
9:16 Tole muse si Obaja, anak ni si Semaya, i ma anak ni si Galal, i ma anak ni si Jedutun; tole si Berekia, anak ni si Asa, i ma anak ni si Elkana, na maringan di bagasan angka sosor ni halak Netopa i.
9:17 Tole angka sijaga pintu: Si Sallum, si Akkub, si Talmon dohot si Ahiman rap dohot angka hahaanggina; alai si Sallum do anggo partogina.
9:18 Jala rasirasa nuaeng sai di lambung bahal ni rajai tungkan habinsaran nasida marjaga parsaroan ni halak Lepi.
9:19 Ia si Sallum, anak ni si Kora, i ma anak ni si Eliasap, i ma anak ni si Kora dohot hahaanggina sian pinompar ni ompuna, halak Kora ma nampuna ulaon ni todoan i, asa marjaga nasida di lobulobu laho bongot tu undungundung i, suang songon ompunasida i di parsaroan ni Jahowa, asa dijaga nasida pintu haroroan.
9:20 Jala si Pinehas, anak ni si Eleasar induk nasida na jolo, ai Jahowa do mandongani ibana.
9:21 Ia si Sakaria, anak ni si Meselemya, sijaga pintu di undungundung parluhutan i.
9:22 Luhut nasida halak na pinillit do bahen sijaga pintu, dua ratus sampulu dua halak toropna; nunga tarsurat nasida di aturan sundutsundut mangihuthon hutana be; nunga dipabangkit si Daud dohot si Samuel panurirang i nasida hian tu tohonanna, ala burju nasida.
9:23 Asa nasida ro di anaknasida i tongtong sijaga pintu di joro ni Jahowa, i ma di lambung bagas undungundung, asa jagaonna.
9:24 Mangihuthon desa na opat i jongjong angka parjaga i, di purba, di pastima, di utara dohot di dangsina.
9:25 Alai anggo hahaangginasida di bagasan angka sosor, ingkon ro be ganup papituarihon, asa rap nasida.
9:26 Ai ingkon burju mangaradoti tohonanna na opat halak induk ni angka sijaga pintu, i ma halak Lepi; jala nasida do panahatan ni bilut dohot angka arta di joro ni Debata.
9:27 Marborngin nasida huhut humaliang joro ni Debata, ai nasida do panahatan ni parhalan, jala nasida mangungkap pintu ganup sogot.
9:28 Adong huhut deba sian nasida panahatan ni ulaula ni tohonan i, ai ingkon jolo dibilang mamboan tu bagasan dohot paruarhon muse.
9:29 Adong huhut deba sian nasida panahatan ni sude ulaula angka na pinangke di na songkal sahali, tole paturehon itak, anggur, miak, daupa dohot pamurpuri.
9:30 Adong muse deba sian angka anak ni malim, angka na mamandei miak na hushus pangkeon laho mamiahi.
9:31 Jala si Matitia sian halak Lepi, buhabaju ni si Sallum, halak Kora, panahatan ni todoan patureture sigorengon di bagasan balanga.
9:32 Ia sian pinompar ni si Kohat, angginasida i adong deba panahatan ni roti radean paradeonna ganup ari Sabbat.
9:33 Adong huhut deba sian nasida angka parende, jujungan ni halak Lepi marompuompu, angka na malua sian ulaon di bagasan bilut, ai borngin dohot arian sai tole nasida mangaradoti ulaonna.
9:34 Ai nasida do jujungan ni halak Lepi marompuompu, mangihuthon sundutnasida i; jala maringan di Jerusalem do angka jujungan i.
9:35 Alai maringan di Gibeon do: Si Jeiel, ama ni si Gibeon, ia goar ni jolmana Maaka.
9:36 Ia anak buhabajuna si Abdon, dung i: Si Sur, si Kis, si Baal, si Ner, si Nadab.
9:37 Si Gedor, si Ahio, si Sakaria dohot si Mikhlot.
9:38 Ia si Mikhlot manubuhon si Simea; nasida pe maringan do di Jerusalem rap dohot angka hahaanggina patondong be.
9:39 Ia si Ner manubuhon si Kis, na manubuhon si Saul; ia si Saul manubuhon si Jonatan, si Malkisua, si Abinadab dohot si Esbal.
9:40 Ia anak ni si Jonatan i ma si Meribaal, na manubuhon si Mika.
9:41 Ia angka anak ni si Mika: Si Piton, si Melek dohot si Terea.
9:42 Ia si Ahas manubuhon Jarah, na manubuhon: Alemet, si Asmapet dohot si Simri, na manubuhon Mosa.
9:43 Ia si Mosa manubuhon si Binea na manubuhon si Repaim, anak ni muse si Eleasa, anak ni muse si Asel.
9:44 Onom do ia anak ni si Asel, angka na margoar: Si Asrikam, si Boheru, si Ismael, si Searia, si Obaja, dohot si Hanan; i ma angka anak ni si Asel.

ALKITAB BAHASA BATAK
Lirik Lagu Suplemen Buku Ende
Lirik Lagu Buku Ende

I KRONIKA 10

I KRONIKA 10

10:1 Dung i marporang ma halak Palistim dompak halak Israel, gabe maporus ma halak Israel maradophon halak Palistim, jala marragean nasida di dolok Gilboa.
10:2 Dung i sai dilotongi halak Palistim ma si Saul dohot angka anakna, jala dibunu halak Palistim ma si Jonatan, si Abinadab dohot si Malkisua, angka anak ni si Saul.
10:3 Jadi tarsugutsugut ma si Saul, sai ditumpur angka halak parsior i ibana, gabe targisik bugangna dibahen angka parsior i.
10:4 Dung i didok si Saul ma mandok naposona siusung sinjatana: Umpat ma podangmu jala tihamhon tu ahu, asa unang ro halak parhulup on mangalesanlesan ahu. Alai ndang olo naposo siusung sinjatana i, ai mabiar situtu do ibana. Dung i dibuat si Saul ma podang i, laos ditinggangkon dirina tusi.
10:5 Jadi dung diida naposo siusung sinjatana i, naung mate si Saul, dohot ma ibana maninggangkon dirina tu podangna, laos mate.
10:6 Jadi rap mate ma si Saul dohot anakna na tolu i ro di sandok pinomparna rap mate do.
10:7 Jadi dung diida halak Israel, angka na maringan di rura, naung maporus angka donganna i, jala naung mate si Saul rap dohot angka anakna, ditadingkon nasida ma hutanasida i jala maporus. Jadi ro ma halak Palistim maringan disi.
10:8 Dung i marsogotna i ro ma halak Palistim laho mamupusi angka na marragean i, gabe jumpang nasida ma si Saul dohot angka anakna i marpeahan di dolok Gilboa.
10:9 Jadi dung dipupusi nasida ibana ditipul ma uluna, laos diboan do i rap dohot sinjatana, dipaebangkon ma i tu luat ni halak Palistim humaliang, laho mamaritahon barita i tu bagas ni ajiajiannasida dohot tu situan na torop i.
10:10 Dung i dipampeakkon nasida ma angka sinjatana i tu bagasan joro ni debatanasida i, alai anggo tangkurakna i digantungkon do di bagasan joro ni Dagon.
10:11 Jadi dung dibege sandok isi ni Jabes di Gilead barita taringot tu na binahen ni halak Palistim tu si Saul.
10:12 Borhat ma nasa baoa sialo musu, dibuat nasida ma bangke ni si Saul dohot bangke ni angka anakna i, jala diboan do i tu Jabes, jala ditanom holiholinasida di toru ni hariara di Jabes, laos marpuasa nasida pitu ari lelengna.
10:13 Jadi mate ma si Saul di bagasan dosana, angka na binahenna dompak Jahowa, ala na so niradotanna hata ni Jahowa dohot ala marsungkun ibana tu parompuan pangarunding mangalului pangungkapon.
10:14 Alai ndang dilului rohana anggo tu Jahowa, gabe dibunu Jahowa ibana, jala dipatongon harajaon i tu si Daud, anak ni si Isai.

ALKITAB BAHASA BATAK
Lirik Lagu Suplemen Buku Ende
Lirik Lagu Buku Ende

I KRONIKA 11

I KRONIKA 11

11:1 Dung i marluhut ma sandok Israel manopot si Daud di Hebron, ninna ma: Ida ma, sisada holiholi dohot sisada sibuk do hami dohot ho.
11:2 Angkup ni, nang na sai laon uju si Saul dope raja, nunga ho hian manogihon Israel ruar dohot masuk; jala nunga didok Jahowa Debatam hian marbagahon tu ho: Ingkon ho marmahan bangsongku Israel, jala ingkon ho gabe partogi di bangsongku Israel.
11:3 Jadi ro be ma sude sintua ni Israel manopot rajai di Hebron. Dung i marpadan ma si Daud tu nasida di Hebron di adopan ni Jahowa; jadi dimiahi nasida ma si Daud bahen raja gumomgom Israel, hombar tu hata ni Jahowa hian marhite sian si Samuel.
11:4 Dung i borhat ma raja Daud rap dohot sandok Israel laho tu Jerusalem, i ma Jebus, ai halak Jebusi do isi ni tano i hian.
11:5 Dung i didok isi ni Jebusi ma mangasapi si Daud: Ndang tagamon masuk ho tuson! Hape dipapatu si Daud do benteng Sion, i ma huta ni si Daud.
11:6 Ai nunga didok si Daud hian: Manang ise parjolo mambunu halak Jebusi, ingkon gabe partogi dohot induk ibana. Jadi si Joab, anak ni Nai Seruia ma parjolo manaek parik i, alani bangkit ma ibana gabe partogi.
11:7 Jadi maringan ma si Daud di bagasan huta i, ala ni do umbahen digoar halak benteng i huta ni si Daud.
11:8 Dung i dipagonting ibana ma huta i humaliang olat ni Milo tuk humaliang. Alai anggo si Joab paimbaruhon na debanari di bagasan huta i.
11:9 Dung i lam leleng lam naek ma hatimbulon ni si Daud, ai didongani Jahowa Zebaot do ibana.
11:10 On do angka partogi ni ulubalang ni si Daud, angka na marsihohot be manolongi ibana pahothon harajaonna rap dohot sandok Israel laho pabangkithon ibana gabe raja, hombar tu hata ni Jahowa taringot tu Israel.
11:11 Jala on do bilangan ni angka ulubalang angka na rap dohot si Daud: Jasobeam, anak ni Hakmoni, induk ni tolupulu parangan, tung dimonsakkon ibana do hujurna dompak tolu ratus halak, angka na rap sahali binununa.
11:12 Dung i ibana si Eleasar ma, anak ni si Dodo, halak Ahohi; ibana masuk bilangan tu na tolu, ulubalang i.
11:13 Ibana do dongan ni si Daud di Dammim, uju na marpungu disi halak Palistim laho marporang. Jadi adong ma disi santurpuk hauma na mareme na masak; hape maporus do situan na torop i maradophon halak Palistim.
11:14 Jadi jongjong ma nasida tu tongatonga ni hauma i, gabe dipalua nasida ma i, laos ditaluhon ma halak Palistim i. Jadi hamonangon bolon ma na tinumpakkon ni Jahowa.
11:15 Dung i tuat ma tolu halak sian na tolupulu induk i sian dolok batu mandapothon si Daud tu liang Adullam; alai anggo parangan ni halak Palistim marsaro do uju i di rura Repaim.
11:16 Alai di partanobatoan do anggo si Daud uju i, jala parangan ni halak Palistim uju i di Betlehem.
11:17 Jadi mangapian ma roha ni si Daud, gabe didok ma: Ise ulaning olo mangalehon aek inumonku sian sumur na di Betlehem mardonokkon bahal?
11:18 Jadi dirampok na tolu ulubalang i ma parsaroan ni halak Palistim, jala ditahui aek sian sumur na di Betlehem mardonokkon bahal, laos diboan do i sahat tu si Daud; alai ndang olo si Daud manginumsa, laos diusehon do i tahe bahen pelean tu Jahowa.
11:19 Ninna ma: Dao ma i sian ahu, ale Debatangku, tung bahenonku songon i! Tung olo ma ahu manginum mudar ni angka baoa on, pola marmara hosanasida i? Ai pola diseahon nasida hosanasida i mamboan aek i; dibahen i ndang olo ibana manginum sian i. I ma na binahen ni na tolu ulubalang i.
11:20 Si Abisai pe, anggi ni si Joab, ibana do partogi ni tolu halak; ibana pe disarahon do hujurna manullangi tolu ratus halak, gabe umbaritaan goarna sian nasida na tolu i.
11:21 Sian na tolu halak rongkanan paduahon i, ibana ma tutu marmuliaan, gabe ibana induknasida; alai ndang taratupsa anggo tung na tolu parjolo i.
11:22 Si Benaia pe, anak ni si Joiada, tubu ni sada baoa na marhuaso jala sigodang pambahenan sian Kabseel; tung dibunu ibana do dua singa sian Moab; tuat muse ibana mambunu singa sadanari di bagasan godung uju di partaonan ngali ni ari.
11:23 Dibunu ibana muse sada halak Misir na bolon situtu, lima asta ganjangna, jala taon do di bagasan tangan ni halak Misir i sada hujur, na saumban do suhulna; hape tuat ibana mandapothon mantat tungkot sambing, jala dirampas hujur i sian tangan ni halak Misir i, laos dibunu ibana dohot hujurna sandiri.
11:24 I ma na binahen ni si Benaia, anak ni si Joiada, umbahen tarbaritaan goarna sian na tolu ulubalang i.
11:25 Ida ma, ibana umbaritaan tahe sian na tolupulu halak i; alai ndang taratupsa anggo na tolu parjolo i. Jadi dipabangkit si Daud ma ibana gabe ihutan ni paranganna.
11:26 Alai goargoar ni saluhut ulubalangna on do: Si Asahel anggi ni si Joab; si Elihanan, anak ni si Dodo sian Betlehem.
11:27 Si Sama, halak Harod i; si Heles halak Peloni.
11:28 Si Ira, anak ni si Ikes, halak Tekoa i; si Abieser, halak Anatot i.
11:29 Si Sebekkai, halak Husa i; si Ilai halak Ahohi.
11:30 Si Maharai, halak Netopa i; si Heled, anak ni si Bahanas, halak Netopa i.
11:31 Si Ittai, anak ni si Ribai sian Gibea ni halak Benjamin; si Benaia, halak Piraton i.
11:32 Si Hurai, sian angka rura Gaas; si Abiel, halak Arbati.
11:33 Si Asmapet, halak Bahurim; si Eliaba, halak Salabini.
11:34 Angka anak ni si Hasem, halak Gison i; si Jonatan, anak ni si Sage, halak Harari.
11:35 Si Ahiam, anak ni si Sahar, halak Harari; si Elipal, anak ni si Ur.
11:36 Si Heper, halak Meherati; si Ahia, halak Peloni.
11:37 Si Hesrai, halak Karmel i; si Naharai, anak ni si Esbai.
11:38 Si Jigal, anak ni si Natan; si Mibhar, anak ni si Hagri.
11:39 Si Selek, halak Amoni; si Naharai, halak Beerot i, siusung sinjata ni si Joab, anak ni Nai Seruia.
11:40 Si Ira, halak Itri; si Gareb, halak Itri.
11:41 Si Uria, halak Het i; si Sabad, anak ni si Ahloi.
11:42 Si Adina, anak ni si Sisa, halak Ruben, partogi ni halak Ruben jala tolupulu halak donganna.
11:43 Si Hanan, anak ni si Maaka; si Josapat, halak Mitni.
11:44 Si Usia, halak Astera; si Sama dohot si Jeiel, rap anak ni si Hotam, halak Aroer i.
11:45 Si Jediael, anak ni si Simri dohot si Joha anggina i, halak Tisi.
11:46 Si Eliel, halak Mahapa, si Jeribai dohot si Josabia, rap anak ni si Elnaam, si Itma, halak Moab.
11:47 Si Eliel, si Obed, si Jasiel sian Mezobaya.

ALKITAB BAHASA BATAK
Lirik Lagu Suplemen Buku Ende
Lirik Lagu Buku Ende

I KRONIKA 12

I KRONIKA 12

12:1 On do goargoar ni halak angka na mandapoti si Daud tu Ziklag, uju ingkon martabuni dope ibana maradophon si Saul, anak ni si Kis, laos masuk nasida tu bilangan ni angka ulubalang, angka na gogo manolongi di parporangan.
12:2 Angka na marsinjatahon sior do nasida, angka na pande mangambalang mangiamun dohot manjaluk, huhut maniorhon sumbia marhite sian sior; sian angka hahaanggi ni si Saul do nasida sian Benjamin.
12:3 Partogina i ma si Ahieser dohot si Joas, duansa anak ni si Sema halak Gibea tole si Jesiel dohot si Pelet, rap anak ni si Asmapet; Beraka dohot si Jehu, halak Anatot i.
12:4 Si Ismaia, halak Gibeon, sada ulubalang di tongatonga ni tolupulu halak, laos ibana partogi ni na tolupulu halak i; tole muse si Jiremia, si Jehasiel, si Johanan, si Josabad, halak Gedera i.
12:5 Si Elusai, si Jerimot, si Bealia, si Semaria, si Sepatia, halak Harupi.
12:6 Si Elkana, si Jesia, si Asarel, si Joeser, si Jasobeam, halak Kora.
12:7 Si Joela dohot si Sebadia, duansa anak ni si Jeroham sian Gedor.
12:8 Nang sian halak Gad adong do deba mamulik mandapothon si Daud tu dolok batu di halongonan, angka ulubalang do nasida na somal marmusu, angka na jongjong marrinte patioptiop lombulombu dohot hujur ia bohinasida songon bohi ni singa idaon, jala dorasna songon hije di atas ni angka dolok.
12:9 Si Eser goar ni indukna parjolo si Obaja paidua, si Eliab paitolu.
12:10 Si Mismana paiopat, si Jeremia pailima.
12:11 Si Attai paionom, si Eliel paipitu.
12:12 Si Johanan paiualu, si Elsabad paisia.
12:13 Si Jeremia paisampulu, si Makbanai paisampulusada.
12:14 Luhutna i sian pinompar ni si Gad, angka partogi ni parangan, sada na ummetmet sian nasida parentahon saratus halak, jala na umbalga parentahon saribu halak.
12:15 Nasida ma i angka na manaripari Jordan di bulan sipaha sada, uju sirnip sandok pasirna, jala dilele nasida do saluhut isi ni angka rura sambola tungkan habinsaran dohot tungkan hasundutan.
12:16 Ro do huhut deba sian halak Benjamin dohot Juda mandapothon si Daud tu dolok batu.
12:17 Dung i ruar ma si Daud mandapothon nasida, ninna ma mangalusi joujounasida i: Molo dame binoanmuna ro tu ahu, naeng mangurupi ahu, ingkon marsihohot ma rohangku tu hamu; alai molo tung ro hamu naeng manjehehon ahu tu musungku, atik pe so diulahon tanganku pangarupaon, sai manatap manonggor ma Debata ni angka ompunta, jala Ibana manorui!
12:18 Jadi songgop ma Tondi ni Debata tu si Amasai, partogi ni tolupulu halak, ninna ma: Angka naposom do hami, ale Daud! Jala sai donganannami do ho, ale anak ni si Isai! Dame, dame ma di ho, dame huhut di angka na manolongi ho! Ai nunga ditolongi Debatam ho. Jadi dijangkon si Daud ma nasida jala dipabangkit nasida bahen partogi ni angka parangan.
12:19 Sian Manasse pe adong do deba bali tu si Daud, uju na ro ibana rap dohot halak Palistim naeng marporang dompak si Saul, alai tahe ndang saut ibana manolongi nasida, ai dung martuptup angka induk ni halak Palistim, disuru nasida ma ibana muli ninna ma: Marmara ulunta maon tung sura bali ibana tu si Saul tuanna i.
12:20 Jadi di na laho muli ibana tu Ziklag bali ma tu ibana sian Manasse: Si Adna, si Josabad, si Jediael, si Mikhael, si Josabad, si Elihu dohot si Jilletai, angka partogi ni halak Manasse marsasaribu.
12:21 Nasida huhut manolongi si Daud mangalo parangan ni halak Amalek; ai angka ulubalang nasida luhutna jala bangkit gabe partogi ni angka parangan.
12:22 Ai uju i ariari do adong ro halak mandapoti si Daud, naeng tolonganna ibana, pola gabe sada parduaan parangan na bolon, songon parduaan parangan ni Debata.
12:23 Jala on do angka bilangan ni angka partogi ni angka parangan angka na gopas be marsinjata, angka na ro mandapothon si Daud tu Hebron, pahothon harajaon ni si Saul tu si Daud, hombar tu hata ni Jahowa.
12:24 Sian halak Juda, angka na mangusung lombulombu dohot hujur, onom ribu ualu ratus halak, angka na gopas be marsinjata tu parporangan.
12:25 Sian halak Simeon ulubalang angka na marhuaso tu parporangan, pitu ribu saratus halak.
12:26 Sian halak Lepi opat ribu onom ratus halak.
12:27 Jala si Joiada, partogi ni pinompar ni si Aron, tolu ribu pitu ratus halak donganna sian i.
12:28 Si Sadok pe, sada halak na bajar dope nian, alai ulubalang na marhuaso jala sian pinompar ni amana duapulu dua halak do angka partogi.
12:29 Sian halak Benjamin, hahaanggi ni si Saul, tolu ribu halak do; ai rasirasa nuaeng torop dope sian nasida paihuthon pinompar ni si Saul.
12:30 Sian halak Epraim duapulu ribu ualu ratus halak, angka ulubalang na marhuaso pola sanga tarbarita goarnasida di pinompar ni ompunasida.
12:31 Sian satonga marga Manasse sampulu ualu ribu halak, pola tarsurat goarnasida i, asa ro nasida pahothon harajaon di si Daud.
12:32 Sian pinompar ni Isasar, angka na pande manjujur ari, asa botoon ni Israel manang aha sibahenonna, dua ratus halak do partoginasida, jala saluhut hahaangginasida i, mangoloi guru doknasida.
12:33 Sian Zebulon, halak angka na borhat tu parporangan, angka na gopas be marsinjata marragamragam tu parporangan, limapulu ribu halak angka na marodor be sian sada ni rohana situtu.
12:34 Sian halak Naptali saribu halak partogi, jala dongannasida angka na marsinjatahon lombulombu dohot hujur, tolupulu pitu ribu halak.
12:35 Sian pinompar ni Dan, duapulu ualu ribu onom ratus halak, angka na marodor be tu parporangan.
12:36 Sian halak Aser, opatpulu ribu halak do, angka na tarbahen borhat tu parporangan maraturan.
12:37 Jala sian bariba ni Jordan, i ma sian halak Ruben, Gad dohot satonga Manasse, saratus duapulu ribu halak do mardongan ragamragam ni angka sinjata tu parporangan.
12:38 Luhutna i halak parporang, marodoran be hobas tu parporangan, ro nuaeng sian nasa rohana tu Hebron pabangkithon si Daud gabe raja gumomgom sandok Israel; nang sandok Israel na tinggal i marsaroha do laho pabangkithon si Daud gabe raja.
12:39 Jala disi do nasida rap dohot si Daud tolu ari lelengna mangan minum, ai nunga diparade angka hahaangginasida do i di nasida.
12:40 Nang halak angka na jonok tu nasida sahat ro di Isasar, Zebulon dohot Naptali, masiboan sagusaguna be di atas halode, unto, hoda na marsahe dohot jonggi, tole sipanganon sian itak, gaburgabur sian antajau dohot parbue ni anggur, tole muse anggur dohot miak, tole lombu dohot birubiru mansai torop; ai marlas ni roha be do halak Israel.

ALKITAB BAHASA BATAK
Lirik Lagu Suplemen Buku Ende
Lirik Lagu Buku Ende

I KRONIKA 13

I KRONIKA 13

13:1 Dung i martuptup ma si Daud rap dohot partogi ni paranganna marsasaribu, marsasaratus, rap dohot sude angka induk i tahe.
13:2 Dung i didok si Daud ma tu sandok luhutan Israel: Molo denggan hata on di rohamu jala marharoroan sian Jahowa, Debatanta i, itatompuhon ma marsuru manopot hahaangginta angka na tinggal i di bagasan saluhut luat ni Israel, asa rap nasida muse manopot angka malim dohot halak Lepi di bagasan huta partaliannasida i, asa marpungu nasida di lambungta on.
13:3 Asa mulak itaboan tu tongatonganta poti ni Debatanta; ai ndang lulululu hita disi saleleng mangolu si Saul.
13:4 Jadi sahata ma sandok luhutan i manolopi, ingkon bahenon songon i, ai sude situan na torop i marhatongonhon hata i.
13:5 Jadi dipaluhut si Daud ma sandok Israel olat ni sunge Sihor di Misir sahat ro di Hamat, asa mangalap poti ni Debata sian Kiriat Jearim.
13:6 Dung i nangkok ma si Daud rap dohot sandok Israel tu Baalah, i ma Kiriat Jearim, na masuk tu Juda, asa diboan nangkok sian i poti ni Debata Jahowa, na marhabangsahon kerubim, disi do somal dijou halak Goarna.
13:7 Jadi diboan nasida ma poti ni Debata di atas ni sada hureta na imbaru, sian bagas ni si Abinadab; si Usa dohot si Ahio manogunogu huretai.
13:8 Alai anggo si Daud ro di sandok Israel mangasa gogo manortori di adopan ni Debata, huhut marende dohot umpalu parhinaloan marragamragam, mardongan sarune, arbap, sordam, ogung panggora dohot ogung panonggahi.
13:9 Jadi dung sahat nasida tu pardegean Kidon, disurdukkon si Usa ma tanganna naeng maniopi poti i, ai manimbil do angka lombu i.
13:10 Jadi tarrimas situtu ma Jahowa mida si Usa, laos dibunu ibana, ala na sinurdukkonna tanganna manjama poti i, gabe mate ibana disi di adopan ni Debata.
13:11 Jadi marsak situtu ma si Daud, ala parsirangan na binahen ni Jahowa tu si Usa, gabe digoar ma inganan i Peres-Usa rasirasa sadarion.
13:12 Dung i mabiar ma si Daud mida Debata di na sadari i, ninna ma: Beha ma pambahenku mamboan poti ni Debata sahat tu ahu?
13:13 Ala ni ndang diloas si Daud boanon poti i tu ibana, tu bagasan huta ni si Daud, didokkon do pataruon poti i tu bagas ni si Obed-Edom, halak Gat.
13:14 Jadi tinggal ma poti ni Debata di bagasan jabu ni si Obed-Edom tolu bulan lelengna. Dung i dipasupasu Jahowa ma pinompar ni si Obed-Edom ro di sandok na di ibana.

ALKITAB BAHASA BATAK
Lirik Lagu Suplemen Buku Ende
Lirik Lagu Buku Ende

I KRONIKA 14

I KRONIKA 14

14:1 Dung i disuru si Hiram, raja sian Tirus ma angka suruanna manopot si Daud, angka na mamboan hau Ares dohot tungkang mandakdak batu dohot angka pande hau, asa dipauli nasida sada bagas di rajai.
14:2 Jadi mananda ma si Daud, naung pinahot ni Jahowa ibana bahen raja di Israel, ai lam tu timbulna do harajaonna i ala ni bangsona Israel.
14:3 Dung i ditambai si Daud dope angka parompuan bahen jolmana di Jerusalem, jala ganda dope angka anak dohot boru ditubuhon si Daud.
14:4 On do goargoar ni anak, angka na tinubuhonna di Jerusalem, si Samua, si Sobab, si Natan, si Salomo.
14:5 Si Ibar, si Elisua, si Elipelet.
14:6 Si Noga, si Nepeg, si Japia.
14:7 Si Elisama, si Beliada dohot si Elipelet.
14:8 Alai dung dibege halak Palistim, naung miniahan si Daud bahen raja gumomgom sandok Israel, nangkok ma sude halak Palistim, paburuburu si Daud. Jadi dung dibege si Daud barita i, ruar ma ibana mandapothon nasida.
14:9 Jadi marroan ma halak Palistim jala marsaro nasida di rura Repaim.
14:10 Dung i marsungkun ma si Daud tu Debata, ninna ma: Na jadi do ahu nangkok mandopang halak Palistim, jala pasahatonmu do nasida tu bagasan tanganku? Dung i didok Jahowa ma tu ibana: Nangkok ma ho, ai nunga hupasahat nasida tu bagasan tanganmu.
14:11 Jadi dung sahat nasida tu Baal Perazim, ditaluhon si Daud nasida disi; laos didok si Daud ma: Nunga mampar angka musungku dibahen Debata marhite sian tanganku songon pangalantap ni aek magodang. Ala ni umbahen digoar inganan i Baal Perazim.
14:12 Dung i ditinggalhon nasida disi angka ajiajiannasida, gabe ro hata ni si Daud mandokkon ingkon purunon do angka i di bagasan api.
14:13 Alai diulahi halak Palistim muse ro jala marsaro di rura i.
14:14 Dung i marsungkun muse si Daud tu Debata, gabe ro hata ni Debata mandok tu ibana: Ndang jadi ho nangkok mangeak nasida, ingkon lompitonmu nasida sian pudinasida, asa pajumpang ho dohot nasida tondong ni angka hau balsam.
14:15 Ia dung dibege ho pardorom ni halak pardalan di punsu ni angka hau balsam, rampok ma nasida disi, ai nunga ruar Debata mardalan di jolom laho papatuhon parangan ni halak Palistim.
14:16 Jadi dibahen si Daud ma songon i, hombar tu tona ni Debata tu ibana, gabe dipapatu ma halak Palistim, olat ni Gibeon sahat ro di Gezer.
14:17 Jadi sar ma barita ni si Daud tu saluhut luat. Jadi dilehon Jahowa ma biar mida rajai tu bagasan roha ni saluhut bangso parbegu.

ALKITAB BAHASA BATAK
Lirik Lagu Suplemen Buku Ende
Lirik Lagu Buku Ende

I KRONIKA 15

I KRONIKA 15

15:1 Dung i didokkon si Daud ma paulion angka bagasna di bagasan huta ni si Daud, diparade do huhut sada inganan di poti ni Debata, jala dipahembang sada undungundungna.
15:2 Uju i ma didok si Daud: Ndang jadi usungon ni manang ise poti ni Debata, dungkon ni halak Lepi; ai nunga dipillit Jahowa nasida mangusung poti ni Debata dohot marhalado di Ibana ro di saleleng ni lelengna.
15:3 Jadi dipaluhut si Daud ma sandok Israel tu Jerusalem, asa diboan nasida poti ni Jahowa nangkok tu ingananna, na pinadirina hian disi.
15:4 Dipaluhut si Daud huhut pinompar ni si Aron dohot halak Lepi.
15:5 Sian pinompar ni si Kohat: Si Uriel, indukna i, ro di hahaanggina, saratus duapulu halak toropna.
15:6 Sian pinompar ni si Merari: Si Asaya, indukna i, ro di hahaanggina, dua ratus duapulu halak toropna.
15:7 Sian pinompar ni si Gerson: Si Joel, indukna i, ro di hahaanggina, saratus tolupulu halak toropna.
15:8 Sian pinompar ni si Elsapan: Si Semaya, indukna i ro di hahaanggina, dua ratus halak toropna.
15:9 Sian pinompar ni si Hebron: Si Eliel, indukna i ro di hahaanggina, ualupulu halak toropna.
15:10 Sian pinompar ni si Usiel: Si Abinadab, indukna i ro di hahaanggina, saratus sampulu dua halak toropna.
15:11 Dung i dijou si Daud ma malim Sadok dohot si Abiatar ro di halak Lepi i ma: Si Uriel, si Asaya, si Joel, si Semaya, si Eliel dohot si Abinadab.
15:12 Jala didok rajai tu nasida: Hamu do angka partogi ni halak Lepi marompuompu; dibahen i parbadiai hamu ma dirimuna dohot hahaanggimuna i, asa diboan hamu poti ni Jahowa, Debata ni Israel, nangkok tu inganan naung hupadiri disi.
15:13 Ai na jolo, tagan so disi dope hamu, dibahen Jahowa, Debatanta i do sada parsirangan di tongatonga ni hita on, ala so italului Ibana songon patutna.
15:14 Jadi manguras be ma angka malim dohot halak Lepi, asa boanonna nangkok poti ni Jahowa, Debata ni Israel.
15:15 Jadi diusung halak Lepi ma poti ni Debata marhaluhalu di abarana, songon naung tinonahon ni si Musa hian, hombar tu hata ni Jahowa.
15:16 Dung i didokkon si Daud ma angka induk ni halak Lepi, asa dipadiri hahaangginasida i, angka parende mardongan parhinaloan marragamragam, angka hasapi, arbap dohot sordam, asa dipalu angka i pariburhon soara, paganda las ni roha.
15:17 Jadi dipadiri halak Lepi ma si Heman, anak ni si Joel, jala sian angka hahaanggina si Asap, anak ni si Berekia; jala sian pinompar ni si Merari, hahaangginasida i, si Etan, anak ni si Kusaria.
15:18 Jala dongannasida muse angka hahaangginasida rongkanan paduahon: Si Sakaria, si Ben, si Jasiel, si Semiramot, si Jeiel, si Uni, si Eliab, si Benaia, si Maaseia, si Matitia, si Elipelen, si Mikneya, si Obed-Edom, si Jeiel, angka sijaga pintu.
15:19 Alai anggo halak parende, i ma si Heman, si Asap dohot si Etan mardongan hesekhesek tombaga paribur soara.
15:20 Alai anggo si Sakaria, si Asiel, si Semiramot, si Jeiel, si Uni, si Eliab, si Maaseia dohot si Benaia mardongan hasapi marsoara boruboru.
15:21 Alai anggo si Matitia, si Elipelen, si Mikneya, si Obed-Edom, si Jeiel dohot si Asasia mardongan arbap marsoara na sihil laho marendehon.
15:22 Alai anggo si Kenania, induk ni halak Lepi manguluhon parendeon dohot mangajarhon parendeon, ai na pande do ibana.
15:23 Ia si Berekia dohot si Elkana sijaga pintu di lambung poti.
15:24 Alai anggo si Sebania, si Josapat, si Netaneel, si Amasai, si Sakaria, si Benaia dohot si Elieser, angka malim i tahe mamalu sarune di adopan ni poti ni Debata; ianggo si Obed-Edom dohot si Jehia gabe sijaga pintu di lambung poti.
15:25 Dung i borhat ma si Daud rap dohot angka sintua ni Israel ro di angka induk ni saribu halak laho mamboan poti parpadanan ni Jahowa nangkok sian jabu ni si Obed-Edom marlas ni roha godang.
15:26 Jadi dung ditumpak Debata halak Lepi, angka na mangusung poti parpadanan ni Jahowa, dipelehon nasida ma pitu lombu naposo dohot pitu birubiru tunggal.
15:27 Alai anggo si Daud marpangkean baju juba sian hain na halus, songon i nang sude halak Lepi, angka na mangusung poti i dohot angka parende, nang si Hanania, induk manguluhon angka halak parende; marpangkean baju epod sian hain na bontar do si Daud huhut.
15:28 Jadi sandok Israel mamboan nangkok poti parpadanan ni Jahowa mardongan olopolop dohot soara ni sarune, sordam dohot arbap dipagogo huhut soara ni hasapi dohot tulila.
15:29 Jadi dung sahat poti parpadanan ni Jahowa tu bagasan huta ni si Daud, gabe mandulo ma si Mikhal, boru ni si Saul sian pandiloan; jadi dung diida raja Daud i marhajingjang dohot manontori, marhu ni roha ibana mida rajai.

ALKITAB BAHASA BATAK
Lirik Lagu Suplemen Buku Ende
Lirik Lagu Buku Ende

I KRONIKA 16

I KRONIKA 16

16:1 Jadi dung masuk diboan nasida poti ni Debata, dipajongjong ma i di parsitongaan ni undungundung i, na pinagohon ni si Daud tusi. Dung i dipelehon nasida ma angka pelean situtungon dohot hamauliateon di adopan ni Jahowa.
16:2 Jadi dung tolhas dipelehon si Daud angka pelean situtungon dohot hamauliateon, dipasupasu rajai ma situan na torop i marhitehite Goar ni Jahowa.
16:3 Dung i diganupi raja ma sandok halak Israel, nang baoa nang parompuan, sagusagu sada be dohot anggur satabutabu be dohot lampet na tinanggulean sada be.
16:4 Dung i dipadiri rajai ma di adopan ni poti ni Jahowa deba halak Lepi bahen parhalado, asa nasida mamujimuji dohot mandok mauliate dohot pasangaphon Jahowa, Debata ni Israel.
16:5 Si Asap do ihutan parjolo si Sakaria paidua, dung i si Jeiel, si Semiramot, si Jeiel, si Matitia, si Eliab, si Benaia, si Obed-Edom dohot si Jeiel mardongan parhinaloan dohot hasapi; alai anggo si Asap dipagogo do soara ni hasapi.
16:6 Ia malim Benaia dohot si Jehasiel, tongtong do nasida mamalu sarune di adopan ni poti parpadanan ni Debata.
16:7 Di ari na sasada i do apala parjolo didokkon si Daud mamujimuji Jahowa marhite sian si Asap dohot angka hahaanggina i.
16:8 Puji hamu ma Jahowa, baritahon hamu ma Goarna i, pabotohon hamu ma di tongatonga ni angka bangso angka pambahenanna i!
16:9 Endehon hamu ma Ibana, palu hamu ma parhinaloan umpuji Ibana, marnonangi ma hamu taringot tu halongangan angka na binahenna i sudena!
16:10 Tanggulhon hamu ma Goarna na badia i, ingkon marlas ni roha ma angka na mangalului Jahowa!
16:11 Sisiri hamu ma Jahowa dohot hagogoonna i, tongtong ma lulu i hamu bohina.
16:12 Paingotingot hamu ma halongangan angka naung binahenna i, angka tanda halongangan naung binahenna i dohot uhum angka na ruar sian pamanganna!
16:13 Hamu ale pinompar ni Israel, naposona i, hamu ale anak ni si Jakkob, angka na pinillitna i!
16:14 Ibana, Jahowa do Debatanta i, sar tu liat portibi on do angka uhumna.
16:15 Sai marningot ma hamu di padan binahenna i ro di saleleng ni lelengna, di hata pinatikna i marriburibu sundut.
16:16 Padan naung binahenna i tu si Abraham, ro di uarina tu si Isak.
16:17 Jala dihajongjongkon do i tu si Jakkob bahen patik, tu Israel bahen padan salelenglelengna.
16:18 Ninna do: Tu ho do lehononku tano Kanaan, partalian ni partohapanmuna.
16:19 Uju otik dope bilanganmuna, otik tutu, jala jolma paisolat hamu disi.
16:20 Jala sai marbungkasan nasida sian bangso tu bangso, sian sada harajaon tu bangso na asing.
16:21 Ndang diloas Ibana halak mangarupa nasida, jala ditorui do angka raja ala nasida.
16:22 Unang hahua hamu halak angka na humiahi, jala unang sonoi hamu panurirang angka na husuru!
16:23 Endehon ma Jahowa, ale sandok tano on, baritahon hamu ma hatuaonna ganup ari.
16:24 Pajojor hamu ma di tongatonga ni halak parbegu hamuliaonna i, di tongatonga ni saluhut bangso halongangan angka na binahenna i.
16:25 Ai na timbul do Jahowa, jala tama situtu pujion, na songkal do Ibana mangatasi sude angka debata.
16:26 Ai ajiajian do sude debata ni angka bangso parbegu, alai anggo Jahowa naung manjadihon angka langit.
16:27 Hatongamon dohot hamuliaon di jolona, hagogoon dohot hinauli masa di bagasan habadiaonna i.
16:28 Hamu ale angka marga ni angka bangso, sai lehon hamu ma tu Jahowa, lehon hamu ma tutu tu Jahowa hamuliaon dohot hagogoon.
16:29 Lehon hamu ma di Jahowa hamuliaon ni goarna; boan hamu ma silehonlehon, dung i ro ma hamu tu adopan ni Bohina, marsomba ma hamu tu Jahowa marpangkean na marhadohoan!
16:30 Raion ma maradophon Ibana, ale isi ni sandok tano on, hot ma antong portibi on, ndang tagamon humordit.
16:31 Ingkon marlas ni roha ma antong angka langit, jala marolopolop tano on, jala paboaboa hamu ma di tongatonga ni angka parbegu, Jahowa do Raja!
16:32 Marhasakhasak ma laut i ro di isina! Marolopolop ma ladang i ro di nasa na disini!
16:33 Marolopolop ma disi sude angka hau di tombak di adopan ni Jahowa, ai nunga ro Ibana laho manguhum tano on.
16:34 Mandok mauliate ma hamu di Jahowa, ai na basa do ibana, ai ro di saleleng ni lelengna do asi ni rohana i.
16:35 Jala dok hamu ma: Tumpahi ma hami, ale Debata ni hatuaonnami, jala papungu, jala palua hami sian angka bangso parbegu, asa hupuji Goarmu na badia i jala martanggulhon pujipujianmi hami.
16:36 Pinuji ma Jahowa, Debata ni Israel, sian na saingan sahat ro di salelenglelengna, jala rim bangso i mandok: Amen! Jala pujipujian di Jahowa!
16:37 Dung i ditadingkon rajai disi, di adopan ni poti parpadanan ni Jahowa si Asap dohot angka hahaanggina i, asa tongtong nasida marhalado di adopan ni poti i ariari.
16:38 Laos songon i nang Obed-Edom dohot angka hahaanggina i, onompulu ualu halak toropna; ia si Obed-Edom, anak ni si Jedutun dohot si Hosa rap sijaga pintu do.
16:39 Alai anggo malim Sadok dohot angka hahaanggina i, rap malim tahe marhalado do di jolo ni undungundung ni Jahowa di dolokdolok na di Gibeon.
16:40 Asa tongtong nasida mamelehon angka pelean situtungon tu Jahowa di atas langgatan pamelean ni pelean situtungon manogotna i dohot bodarina i, jala diula luhut na tarsurat di bagasan patik ni Jahowa, na tinonahonna tu halak Israel.
16:41 Dongannasida do huhut si Heman dohot si Jedutun ro di halak na pinillit na asing, nunga pola digoar, asa nasida mamujimuji Jahowa, ai ala ro di salelenglelengna asi ni rohana i.
16:42 Dongan ni si Heman dohot si Jedutun huhut angka na mamalu sarune dohot sordam dohot parhinaloan ni Debata marragamragam pariburhon parendeon; alai sijaga pintu do anggo pinompar ni si Jedutun.
16:43 Dung i muli be ma sandok situan na torop i, ganup tu jabuna be; muli ma dohot si Daud laho mamasumasu isi ni bagasna.

ALKITAB BAHASA BATAK
Lirik Lagu Suplemen Buku Ende
Lirik Lagu Buku Ende

I KRONIKA 17

I KRONIKA 17

17:1 Dung i uju hundulhundul si Daud sahali di bagasan jabuna, ro ma hatana tu panurirang Natan: Ida ma, ia ahu maringan di bagasan jabu na sian hau Ares, ia poti parpadanan ni Jahowa hape jongjong di tongatonga ni rimberimbe.
17:2 Dung i ninna si Natan ma mandok si Daud: Nasa na sinangkap ni roham di bagasan, i ma patupa, ai Debata do donganmu!
17:3 Alai bornginna i ro ma hata ni Debata tu si Natan songon on:
17:4 Laho ma ho, hatahon ma tu naposongku si Daud: Songon on do hata ni Jahowa: Ndang jadi anggo ho pajongjong di Ahu sada bagas bahen ingananku.
17:5 Ai ndang dung dope Ahu maringanan di bagasan jabu olat ni ari dung huboan halak Israel nangkok rasirasa sadarion, sai tong do Ahu munsatunsat sian undungundung na sada tu undungundung na asing, sian inganan na sada tu na asing.
17:6 Manang didia pe Ahu mardalandalan rap dohot sude halak Israel, tung dung ma hudok nanggo sandok tu sahalak sian angka panguhum di Israel, angka na hudokkon nian parmahanonna bangsongku manunungirhon tu ibana: Boasa so dipauli hamu di Ahu sada joro sian hau Ares?
17:7 On pe dok ma tu naposongku si Daud: Songon on do hata ni Jahowa Zebaot: Nunga Ahu mambuat ho sian parmahanan, sian na mangolat angka birubiru, asa bangkit ho gabe induk gumomgom bangsongku Israel.
17:8 Sai hudongani do ho antong nasailaon manang dompak dia ho laho, jala nunga husiaphon sude angka musum maradophon ho, jala hubahen goarmu marbarita situtu, songon goar ni halak na sangap angka na di tano on.
17:9 Angkup ni, nunga hubasabasahon sada inganan tu bangsongku Israel, jala nunga hulopokkon ibana, asa maringanan ibana disi, asa unang be tarhutiksa, jala unang be didatdati angka anak ni hageduhon manosaknosak ibana, songon uju di mulana.
17:10 Jala olat ni ari dung adong hupabangkit angka panguhum gumomgom bangsongku Israel, tarjepol do hubahen sude angka musum; marbagabaga muse Ahu tu ho, paboa pahoton ni Jahowa pinomparmu sogot.
17:11 Alai ia dung jumpang buhul ni ariarim laho marpungu ho tu angka ompum, patindangonku ma pinomparmu di pudim, i ma sada halak sian angka anakmu, pahotonku ma harajaonna i.
17:12 Ingkon Ibana pe pauli sada bagas di Ahu, jala Ahu pahothon habangsana ro di salelenglelengna.
17:13 Ahu gabe Amana, jala Ibana ingkon gabe anakku; jala ndang unsatonku sian Ibana anggo asi ni rohangku, songon na huunsat do i sian ibana na jumolo sian ho.
17:14 Alai ingkon hot do anggo Ibana bahenonku di bagasan jabungku dohot di bagasan harajaonku ro di salelenglelengna, habangsana pe ingkon hot do ro di salelenglelengna.
17:15 Hombar tu saluhut angka hata ondeng, jala hombar tu sandok pangungkapon i mangkatai si Natan tu si Daud.
17:16 Dung i masuk ma raja Daud tu bagasan undungundung i, laos hundul ma ibana di adopan ni Jahowa, ninna ma: Tung ise ma ahu pola, ale Jahowa Debatangku, jala tung ise ma pola anggo pinomparhu, umbahen tung diboan Ho ahu sahat ro tuson?
17:17 Angkup ni maotikku dope i di roham, ale Debata! Pola huhut marbagabaga Ho taringot tu pinompar ni naposom, taringot tu na masa sogot, jala nunga ditatap Ho ahu, songon panatap ni jolma, ale Jahowa, Debata na di ginjang i.
17:18 Tung aha dope angkupni sidohonon ni si Daud tu Ho? Ala hamuliaon na binasabasahonmu tu naposom? Alai tahe ditanda Ho do naposomon.
17:19 Ale Jahowa, ala ni ahu naposomon, jala hombar tu lomo ni roham nunga dibahen Ho saluhut halonganganna bolon on laho pabotohon sude angka habalgaon on.
17:20 Ale Jahowa, ndang adong nanggo sada tudoshon Ho, jala ndang adong Debata dungkon ni Ho, hombar tu saluhut naung binege ni pinggolnami.
17:21 Jala tung didia ma adong jumpang sada bangso di tano on, songon bangsom Israel, pola tung Debata sandiri borhat laho manobus sada bangso ainonna dohot laho mambahen Goarmu marbarita marhite sian halongangan bolon dohot na songkal, laho pabalihon angka bangso parbegu maradophon bangsom na tinobusmu sian Misir.
17:22 Jala nunga dipadiri Ho di Ho bangsom Israel bahen bangsom ro di salelenglelengna, jala Ho, ale Jahowa, gabe Debatanasida.
17:23 Antong ale Jahowa, sai pahot ma hata naung pinarbagabagami tu naposom taringot tu pinomparna sahat ro di salelenglelengna, jala bahen ma hombar tu na pinarbagabagami!
17:24 Olo sai sintong ma i, jala lam tu timbulna Goarmu ro di salelenglelengna asa dohonon ni halak songon on: Jahowa Zebaot do Debata ni Israel, Ibana tongon Debata humongkop Israel, jala hot do ia pinompar ni naposom si Daud di jolomi.
17:25 Ai Ho ale Debatangku, nunga dipapatar Ho tu pinggol ni naposomon, paboa ingkon paulionmu di ibana sada bagas; ala ni do umbahen hum roha ni naposomon martangiang di adopanmon.
17:26 On pe, ale Jahowa, Ho sandiri do Debata, jala nunga diparbagabaga Ho tu naposomon hata na denggan on.
17:27 Antong, nunga sapala lomo roham mamasumasu pinompar ni naposomon, asa hot di adopanmu ro di salelenglelengna; ai manang ise na pinasupasum ale Jahowa, i ma dapotan pasupasu ro di salelenglelengna!

ALKITAB BAHASA BATAK
Lirik Lagu Suplemen Buku Ende
Lirik Lagu Buku Ende

I KRONIKA 18

I KRONIKA 18

18:1 Jadi dung salpu angka i, ditaluhon si Daud ma halak Palistim, tung tarjepol situtu nasida dibahen, dirampas ibana huhut huta Gat, ro di huta angka na masuk tusi sian tangan ni halak Palistim.
18:2 Ditaluhon muse halak Moab, gabe mangoloi patu nasida tu si Daud jala manggarar sohe.
18:3 Ditaluhon si Daud huhut Hadateser, raja sian Zoba, di Hemat, uju na laho ibana pahothon gomgomanna di pasir ni batang aek Euprat.
18:4 Dung i dilaum si Daud ma sian ibana saribu hureta porang dohot pitu ribu halak parsihundul dohot duapulu ribu halak parhantarhantar; jala ditallik si Daud do doldol ni saluhut hoda sitait hureta, saratus pasang sambing sian i ditinggalhon di ibana.
18:5 Alai ro ma halak Ram sian Damaskus naeng manolongi si Hadateser, raja sian Zoba; gabe mate halak Ram i duapulu dua ribu halak, dibunu si Daud.
18:6 Dung i dipajongjong si Daud ma angka benteng di Ram humaliang Damaskus, jadi mangoloi patu ma halak Ram tu si Daud huhut manggarar sohe; ai sai ditumpak Jahowa do si Daud monang manang dompak dia ibana mangalangka.
18:7 Dung i dibuat si Daud ma lombulombu sere, angka na pinaboanboan ni naposo ni Hadateser, jala ditaruhon angka i tu Jerusalem.
18:8 Dibuat si Daud huhut sian Teba dohot sian Kun, angka huta ni si Hadateser mansai godang tombaga; sian i dipauli si Salomo muse tobat tombaga ro di tiang na dua i dohot angka ulaula tombaga.
18:9 Jadi dung dibege si Tou, raja di Hemat, naung ditaluhon si Daud sandok parangan ni si Hadateser, raja sian Zoba.
18:10 Disuru ibana ma anakna Hadoram manopot raja Daud manangkasi sonangna dohot mamasumasu ibana, ala naung pinorangna Hadateser, jala naung tinaluhonna ibana, ai marmusu tihus hian do si Tou dompak si Hadateser; ditongoshon muse ulaula sere, perak dohot tombaga marragamragam.
18:11 Angka i pe diparbadiai raja Daud do laho pasahathon tu Jahowa rap dohot perak dohot sere naung binuatna sian saluhut bangso parbegu, sian halak Edom, Moab, Amon, Palistim dohot Amalek.
18:12 Angkup ni ditaluhon si Abisai, anak ni Nai Seruia do halak Edom di rura parsiraan, sampulu ualu ribu halak toropna.
18:13 Dung i dipambahen ma angka benteng di Edom, gabe patu saluhut halak Edom dibahen si Daud, ai ditumpak Jahowa do si Daud monang manang dompak dia ibana mangalangka.
18:14 Jadi dirajai si Daud ma sandok halak Israel jala dihajongjongkon uhum dohot hatigoran di sandok bangsona i.
18:15 Alai anggo si Joab, anak ni Nai Seruia manguluhon angka parangan, jala si Josapat, anak ni si Ahilud do panuturi.
18:16 Jala si Sadok, anak ni si Ahitub dohot Abimelek, anak ni si Abiatar, i ma angka malim, jala Sausa do juaratulis.
18:17 Jala si Benaia, anak ni si Joiada, panahatan ni angka hupas dohot rundo. Alai anggo angka anak ni si Daud, i ma angka na sumolhot di lambung ni rajai.

ALKITAB BAHASA BATAK
Lirik Lagu Suplemen Buku Ende
Lirik Lagu Buku Ende