LABEL DALAM HURUF

A B D G H I J L M N O P R S T U

PSALMEN 20

PSALMEN 20

20:1 Ende sian si Daud.
20:2 Sai dialusi Jahowa ma ho di ari hagogotan, sai dipatimbul goar ni Debata ni si Jakkob ma ho!
20:3 Ditongoshon ma tu ho panumpahion sian bagas habadiaon, jala ditungkol ho sian Sion!
20:4 Sai marningot ma Ibana di sude angka peleanmu sipanganon, sai talmis ma di rohana angka peleanmu situtungon! Sela.
20:5 Sai dilehon ma tu ho sisubut roham, jala dipasaut nasa sangkapmi.
20:6 Asa mariaia hita mida hatuaonmi, jala mamiorhon tonggol, mangasahon goar ni Debatanta i. Sai dipasaut Jahowa ma nasa pangidoanmu.
20:7 Nuaeng pe huboto tangkas, na tinumpahan ni Jahowa miniahanna i, sai alusanna do ibana sian angka langit habadiaonna i marhitehite angka pangabahan ni hatuaon ni siamunna.
20:8 Mangasahon hureta dohot hoda do ianggo nasida, alai anggo hita goar ni Jahowa, Debatanta i do itaingot.
20:9 Martungkapan jala martinggangan ianggo nasida, alai anggo hita tong do marsihohot jongjong.
20:10 Sai tumpahi ma rajai, ale Jahowa, sai alusi ma hami di ari pangalualuannami!

ALKITAB BAHASA BATAK
Lirik Lagu Suplemen Buku Ende
Lirik Lagu Buku Ende

No comments:

Post a Comment

Bila anda diberkati dengan artikel di atas dan Suka artikel ini? Klik Like, Tweet atau Share dengan teman Facebook anda:

Dapatkan Lirik Buku Ende dengan memasukkan alamat email, GRATIS:

Delivered by FeedBurner

COMMENT DI FACEBOOK